LUKAS 11:2 - BIBEL JAMITA NA DENGGAN

² Dung i didok Jesus ma tu halahi, “Muda martangiang hamu songon on ma dok hamu, ‘Ale Amangnami. Pinarbadia ma goarMu. Ro ma HarajaanMu.

LUKAS 11:2 Iomraidhean Croise

1 RAJA-RAJA 8:43

sai tangihon ma di ingananMu di banua ginjang tangiang ni halahi jana oloi ma pangidoanna. Gabe songon bangsoMu Israel sude bangso na di tano on, mananda jana mangoloi Ho anso diboto halahi bagas na Hupauli on, i ma inganan paribadatan tu Ho.”

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

2 JUJUR TAON 20:6

jana martangiang ma ia marsora na gogo, “Ale Tuhan, Debata ni ompunami! Ho do Debata di banua ginjang dohot na mamarenta di ginjang ni sude bangso na di tano on. Ho do na margogo jana markuaso. Sahalak pe so tolap mangalo Ho.

MASMUR 103:20

Puji ma Tuhan, hamu ale angka surusuruan na marsahala, na manangihon dohot na mangoloi parentaNa.

MASMUR 108:5

Ale Debata, patuduhon ma hagodanganMu di langit, dohot hamuliaanMu mangalobii sandok tano.

MASMUR 11:4

Maringanan Tuhan di BagasNa na badia, marhabangsa di banua ginjang do Ia. Angka jolma i sai dipaligi-ligiSa, sude karejo ni halahi diboto Ia.

MASMUR 57:11

Ale Debata, patuduhon ma hagodanganMu di langit i, dohot hamuliaonMu di sandok portibi on.

PARJAMITA 5:2

Jolo nipikiran ma painte so nidok hata, jana ulang matibutu marjanji tu Debata. Di banua ginjang do Ia jana ho di tano on, jadi bangkol ma ho mandok hatamu.

JESAYA 63:16

Nada he Ho do Amangnami? Nada ditanda si Abraham dohot si Jakob hami. Tapi anggo di hami sandiri, Ho do Amangnami, na palua hami sian narobi.

JEHESKIEL 36:23

PatuduhononKu ma godang ni goarKu na badia i, goar na nipahodarmunu di tonga-tonga ni angka bangso, jadi botoon ni halahi ma bahaso Au do Tuhan. Au Tuhan Debata madung mandok songon i. Pakeonku ma hamu laho pataridahon tu angka bangso paboa na badia do Au Tuhan.

DANIEL 2:28

Tapi adong do di banua ginjang Debata na mambuka sude rahasia, jana madung dipaboa Ia tu raja i sanga aha na giot tarjadi tu pudi on. Jadi on ma nipi ni raja i dohot astuanna:

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

DANIEL 7:18

Tapi anggo tu bangso ni Debata Na Gumincat i lehenon do kuaso laho mamarenta jana manongtong do salolot ni lolotna pangarajaina.”

DANIEL 7:27

Lehenon noma tu bangso ni Debata Na Gumincat i kuaso dohot hagodangan ni sude harajaan na di tano on. Nada marujung be kuaso ni halahi laho mamarenta jana sandok parkuaso na di tano on unduk noma tu halahi di bagasan haburjuon.

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

HAMALIMON 22:23

Songon haul sian jop ni roha tola do haulkononmunu pahan-pahanan na so satimpal pamatangna tu umurna sanga na so jeges potongonna, tapi anggo manggarar niet, nada sah pahan-pahanan na songon i.

HABAKUK 2:14

Tapi songon laut na nigohan ni aek, laing songon i muse ma portibi on digohi dohot parbinotoan taringot tu hamuliaon ni Tuhan.

MATEUS 10:32

“Sanga ise na mangoku Au di jolo ni halak, paboa na mangihutkon Au do ia, Au pe okuonKu ma ia di jolo ni Damang na di banua ginjang i.

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 5:16

Sugari angkon songon i ma nian torangna sinondangmunu di jolo ni halak. Anso diida halak parangemunu na denggan i. Gabe dohot ma halahi mamuji Amangmunu na di banua ginjang i.”

LUKAS 11:1

Sanoli di sada inganan martangiang ma Jesus. Dung sidung Ia na martangiang i, didok sahalak sian anak siseanNia i ma tuSia, “Tuhan, ajari ma hami martangiang songon si Johannes diajari Ia do martangiang angka anak siseanNia i.”

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

1 KORINTUS 1:3

Asi ni roha dohot hasonangan na sian Debata Amanta dohot sian Tuhan Jesus Kristus ma na mandongani hamu.

2 KORINTUS 1:2

Asi ni roha ma di hamu dohot hasonangan sian Debata Amanta dohot sian Tuhanta Jesus Kristus!

GALATIA 1:4

na dung mangalehen diriNa hara ni dosanta, laho paluahon hita sian hajahatan saonnari, mangihutkon hagiot ni Debata Amanta i.

EPESUS 1:2

Asi ni roha dohot hasonangan ma di hamu, sian Debata Amanta dohot sian Tuhan Jesus Kristus.

PILIPPI 1:2

Asi ni roha ma di hamu dohot hasonangan sian Debata Amanta, dohot sian Tuhan Jesus Kristus.

PILIPPI 4:20

Sai tapuji ma Debata Amanta i salolot-lolotna! Amen.

KOLOSSE 1:2

tu angka dongan sahaporsayaan di bagasan Kristus na di Kolosse; i ma angka na badia. Asi ni roha ma di hamu dohot hasonangan na sian Debata Amanta, i ma na mandongani hamu.

1 TESSALONIKA 1:1

Sian si Paulus, Silvanus dohot si Timoteus tu parlagutan ni halak Tessalonika na di bagasan Debata Ama dohot Tuhan Jesus Kristus. Asi ni roha dohot hasonangan ma di hamu!

1 TESSALONIKA 1:3

Muda hatiha mangadop hami tu Debata Amanta i, sai tongtong do hami ingot hamu, i ma karejo na nipatupamunu hara ni haporsayaanmunu tu Kristus, bope holong ni rohamunu maradopkon dongan na asing jabat disarihon hamu halahi dohot arop ni rohamunu na togu maradopkon Tuhanta Jesus Kristus.

2 TESSALONIKA 2:16

Sai diapoi jana dipatogu Tuhanta Jesus Kristus sandiri bope Debata Amanta i ma rohamunu, anso tarpatulus jana tarjamitahon hamu sanga aha na denggan. Angke dihaholongi Debata Amanta i do hita, jadi hara ni denggan ni rohaNia, diapoi Ia do rohanta dohot apo-apo na manongtong jana dilehen Ia do tu hita arop ni roha na denggan.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.