LUKAS 11:18 - BIBEL JAMITA NA DENGGAN

¹⁸ Muda masa parbadaan di bagasan harajaan ni Sibolis, na sada tu na asing, tarbia ma partahanna harajaan i? Didok hamu, hara ni pangurupi ni si Beelsebul do Hupaorot begu i.

LUKAS 11:18 Iomraidhean Croise

MATEUS 10:25

Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

MATEUS 12:26

Antong, muda dipaisir Sibolis i donganna, jana marsalisi halahi sama halahi, songon dia dehe tarbaen togu harajaanna lakna?

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

LUKAS 11:15

tapi adong ma deba mandok, “Umbaen na tarpaorot Ia pe tondi na jahat i, hara ni na dung dilehen si Beelsebul kapala ni angka setan i do kuaso diSia.”