LUKAS 10:9 - BIBEL JAMITA NA DENGGAN

⁹ Pamalum hamu ma angka na marnyae na di kota i, jana dokkon hamu ma tu angka halak na disi, ‘Madung donok tu hamu, Harajaan Ni Debata.’

LUKAS 10:9 Iomraidhean Croise

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 4:17

Sian i ma dipungka Jesus marjamita mandokkon, “Pauba hamu ma rohamunu, dibaen madung donok Harajaan Ni Banua Ginjang.”

MARKUS 4:30

“Tar tu aha ma antong umpamahononta Harajaan Ni Debata?” ninna Jesus manyapai halahi. “Aha ma tabaen tiruan laho patorangkonsa?

MARKUS 6:13

Bahat do angka setan diayak halahi. Laing bahat muse do na marnyae dimiahi halahi gabe malum.

LUKAS 10:10

Tapi muda masuk hamu tu sada kota hape nada dijagit hamu disi, kehe ma hamu tu angka dalan godang na di kota i jana dok hamu ma,

LUKAS 10:11

‘Abuan ni hutamunu on pe na lohot di patnami, hami paspaskon ma di jolomunu. Tapi ingot hamu ma bahaso madung donok Harajaan Ni Debata!’

LUKAS 9:2

Dung i disuru Ia ma halahi anso kehe pasarkon barita taringot tu Harajaan Ni Debata dohot pamalumkon halak na marnyae.

JOHANNES 3:3

Dialusi Jesus ma, “Tutu do na Hudok on: Nada tarbaen sanga ise pe gabe anggota ni Harajaan Ni Debata, anggo so jolo sorang ia mangulahi.”

JOHANNES 3:5

Dialusi Jesus ma, “Tutu do na Hudok tu ho: Anggo so sorang halak sian aek dohot sian Tondi, nada tarbaen gabe parsidohot di Harajaan Ni Debata.

BAENON NI ANGKA RASUL 28:28

Ujungna didok si Paulus, “Angkon botoonmunu do, saonnari madung dipalalu do barita haluaan na sian Debata tu angka bangso na asing na so Jahudi. Ra do halahi mangihutkon i!” [

BAENON NI ANGKA RASUL 28:31

Jana nada pola adong biarnia paboahon Harajaan Ni Debata tu halahi, songon i taringot tu Tuhan Jesus Kristus. Bebas do si Paulus mambaen songon i, nada pola adong na mangambat-ambati ia.