LUKAS 10:7 - BIBEL JAMITA NA DENGGAN

⁷ Di bagas i ma hamu tinggal. Jagit hamu ma sanga aha na niparade tu hamu disi, harana angkon dilehen do upa ni halak na markarejo. Ulang kehe hamu sian bagas na sada tu bagas na asing.

LUKAS 10:7 Iomraidhean Croise

BILANGAN 18:31

Na lobi i tola ma panganonmu dohot hamu sabagas sanga di dia sajo, angke i ma upamunu hara ni na marhobas ho di Bandar ParmiananKu.

MARKUS 6:10

Dung i laing ditonai Jesus dope tehe, “Muda dijagit hamu di sada bagas, laing di bagas i ma hamu lopus kehe hamu sian kota i.

LUKAS 10:6

Jadi muda adong disi na patut manjagit hasonangan i, jadi tinggal ma hata horas-horasmunu i disi. Tapi muda nada, mulak do hata horas-horas i tu hamunu.

LUKAS 9:4

Jana muda dijagit do hamu di sada-sada bagas, tinggal ma hamu disi lopus tu na kehe hamu muse.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

BAENON NI ANGKA RASUL 16:34

Dung i dioban ia ma si Paulus dohot si Silas tu bagasnia dihobasi ma panganon di halahi. Jop sajo noma rohania dohot halahi na sabagas hara ni na dung porsaya halahi saonnari tu Debata.

BAENON NI ANGKA RASUL 16:40

Kehe ma si Paulus dohot si Silas sian hurungan i tu bagas ni si Lidia. Dung marsuo bohi halahi rap dohot angka na porsaya disi, diapoi halahi na dua ma roha ni halahi, dung i kehe ma si Paulus dohot si Silas.

GALATIA 6:6

Sanga ise na manjagit pangajaran sian Hata i angkon bagionna do tu guruna sandok na denggan na adong disia.

PANGARATAION 12:12

Sai marjop ni roha ma hamu di inganan i, di adopan ni Tuhan, rap dohot angka dakdanakmunu, angka naposomunu dohot angka halak Levi na maringanan di hutamunu, dibaen nada dapot bagian angka halak Levi di tanomunu i.

PANGARATAION 18:8

Angkon dos do jagitonnia bahat ni panganon laing songon angka malim na asing, saasing ni bagianna sandiri sian ompunia, gabe nampunania do i.”

1 TIMOTEUS 5:13

Boti muse hum pasude-sude hatiha noma i, puas-pais halahi manaek mijur tu bagas ni halak, jana na jumatjat dope, marsiajar disi ma halahi pahata-hata halak dohot na mangantoi karejo ni halak dohot na mangkata-hatai na so sihataan.

2 TIMOTEUS 2:6

Partani na marsitutu markarejo, i do na patut parjolo dapotan suha ni na nisuanna.