LUKAS 10:42 - BIBEL JAMITA NA DENGGAN

⁴² Hape hum sada do na porlu! Jana madung ditodo si Maria na denggan i, na so buaton be sian ia.”

LUKAS 10:42 Iomraidhean Croise

MASMUR 119:111

ParentaMu do pusako di au salolot-lolotna, na mambaen rohangku marmoga-moga.

MASMUR 119:173

Sai urupi ma tongtong au angke huoloi do antong paraturanMu.

MASMUR 119:30

Madung diputuskon rohangku laho mangoloi, sai huingot-ingot do parentaMi.

MASMUR 142:5

Ale Tuhan, pio-pio au, urupi ma au, Ho do ale Tuhan, pangondingingku. Hum Ho sajo do sasudena na huporluhon di bagasan ngolungku di tano on.

MASMUR 17:15

Tapi di bagasan hatigoran do, giot tataponku bohimu. Muda dung ngot au rap dohot Ho mambaen jop rohangku.

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

MASMUR 73:25

Ise dope he di au di banua ginjang i anggo nada Ho? Nada adong por ni rohangku di tano on asing sian Ho.

PARJAMITA 12:13

Dung hutimbang sasudena, on ma na dapot au panyimpulina. Habiari ma Debata jana oloi ma sude parentaNa, angke hum na giot tusi do jolma i ditompa.

MARKUS 8:36

Aha ma he labona di halak, muda gabe ia puna sudena tano on hape mago tondinia? Aha muse ma labonia disi!

LUKAS 10:39

Adong do anggi ni si Marta, na margoar si Maria. Juguk sajo ma si Maria di lambung pat ni Jesus manangihon pangajaranNia.

LUKAS 11:1

Sanoli di sada inganan martangiang ma Jesus. Dung sidung Ia na martangiang i, didok sahalak sian anak siseanNia i ma tuSia, “Tuhan, ajari ma hami martangiang songon si Johannes diajari Ia do martangiang angka anak siseanNia i.”

LUKAS 12:20

Tapi didok Debata ma tusia, ‘O na oto! Laing borngin on mate ma ho! Jana sude na dung dipasingkopmi giot di ho, gabe ise ma nampuna i?’ ”

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

LUKAS 16:2

Jadi dipio ia ma bendahara i jana didok ia ma, ‘Aha dehe na hubege taringot tu ho? Saonnari, pasahat ma jolo tu au paretonganmu taringot tu sudena hartongki. Mamungka saonnari nada tola be ho gabe bendahara.’

LUKAS 16:25

Tapi dialusi si Abraham ma, ‘Ingot ma amang: Dompak di ngolumu madung dijagit ho sude angka na denggan, hape anggo si Lasarus hum na jat do. Saonnari sonang ma ia dison, tapi anggo ho markancit ma.

LUKAS 18:22

Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

LUKAS 8:18

Antong parrohahon hamu ma tangkas sanga songon dia parbinegemunu. Angka halak na dung marnampuna, nitambaan muse dope disia. Tapi halak na so adong diha-dihana, dibuat muse dope sian ia sanga aha na nietongnia adong disia.”

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

JOHANNES 11:19

Bahat do halak Jahudi marroan manopot si Maria dohot si Marta laho mangapoi halahi hara ni parmonding ni si Lasarus ibotona i.

JOHANNES 12:3

Dung i ro ma si Maria maroban hira-hira satonga liter narwastu, i ma miak na lobi huskus jana na arga situtu. Diusehon ia ma miak i tu pat ni Jesus jana diapus ia ma dohot obuknia. Gabe huskus ma sude bagas i hara ni uap ni miak na huskus i.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

JOHANNES 5:24

Hudok ma tu hamu: Satutuna sanga ise na manangihon hata na Hudok jana na porsaya tu na marsuru Au, halahi ma na dapotan hangoluan na so mantak. Nada siuhumon be i; madung malua ia sian hamatean jana dapotan hangoluan.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”

1 KORINTUS 13:3

Sugari sude pe sinadonganniba dilehen tu halak na pogos, jana sugari pe nipadiar pamatangniba hona tutung, tapi anggo so nihaholongan do halak na asing, nada adong guna ni i sudena.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

PANGARATAION 30:19

Saonnari bolas ma pilionmunu, hangoluan sanga na hamatean, pasupasu ni Tuhan sanga na buraNia. Langit dohot tano hupio gabe saksina di haputusan sibaenonmunu. Antong pili hamu ma hangoluan.

JOSUA 24:15

Sugari sura nada ra hamu mangoloi tu Tuhan, laing sadari on ma baen hamu haputusanna, sanga na tu ise do giotmunu mangoloi: Tu angka debata na nisomba ni ompumunu najolo di Mesopotamia, sanga tu angka debata ni halak Amori na niingananmunu tanona saonnari do. Tapi anggo hami – au dohot dongan sabagasku – hum Tuhan do oloannami.”

JOSUA 24:22

Dung i didok si Josua ma, “Antong, hamu sandiri ma saksina paboa na dung diputuskon hamu laho mangoloi hum tu Tuhan.” “Na tutu ma i,” ning halahi mangalusi, “hami sandiri ma saksina.”