LUKAS 10:41 - BIBEL JAMITA NA DENGGAN

⁴¹ Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

LUKAS 10:41 Iomraidhean Croise

PARJAMITA 6:11

Mur honok ia manjua, mur so mararti do hata na nidokna, mur so adong do sanga aha untungnia.

MARKUS 4:19

tapi disegohon pangkilalaan na humolos ma taringot tu ngolu ni halahi. Sai giot maradong. Marragam ma hagiot na mangganggui roha ni halahi. Gabe mate ma hata i na sian Debata, inda marguna be di roha ni halahi.

LUKAS 10:38

Sanoli, hatiha mardalan Jesus rap dohot angka siseanNia i, masuk ma Jesus tu sada huta. Adong ma disi sada anak boru na margoar si Marta mangontang Jesus tu bagasna.

LUKAS 10:40

Tapi si Marta bahat sajo karejonia laho mangkobasi angka tamu i. Kehe ma si Marta tu Tuhan Jesus mandok, “O Tuhan, ligi ma jolo anggingkon! Dipadiar ia do sada au sajo karejo. Suru ma anso ditolong ia au!”

LUKAS 12:22

Dung i didok Jesus ma tu angka siseanNia, “I do umbaen na Hudok, ‘Ulang humolos rohamunu hara ni angka parngoluonmunu, i ma taringot tu sanga aha na giot panganonmunu annon, sanga aha na giot pakeonmunu annon.’

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

LUKAS 8:14

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

JOHANNES 11:5

Tutu do, holong do roha ni Jesus mida si Marta dohot anggina i songon i tu si Lasarus.

JOHANNES 12:2

Ditamu halahi ma Ia disi, jana dohot ma si Marta mangoloi disi tapi anggo si Lasarus dohot ma ia mangan rap dohot Jesus.

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.