LUKAS 10:40 - BIBEL JAMITA NA DENGGAN

⁴⁰ Tapi si Marta bahat sajo karejonia laho mangkobasi angka tamu i. Kehe ma si Marta tu Tuhan Jesus mandok, “O Tuhan, ligi ma jolo anggingkon! Dipadiar ia do sada au sajo karejo. Suru ma anso ditolong ia au!”

LUKAS 10:40 Iomraidhean Croise

MATEUS 14:15

Jadi dung andospotang marroan ma anak siseanNia i. Didok halahi ma tuSia, “Potang ne ma ari, hape na lungunan dison. Sugari, dumenggan ma disuruhon Guru i halahi marsitobusi panganonna be tu angka huta i.”

MATEUS 16:22

Dung i ditogu si Petrus ma Jesus tu duru laho manggorahon Ia. Didok si Petrus, “Sai dipadao Debata ma na songon i sian Ho, Tuhan! Sai ulang ma tulus pangalaho na songon i tu Ho!”

MARKUS 3:21

Jadi tarbege ma tu sisolkotNia na masa i, gabe ro ma halahi laho mangalap Ia. Harana didok halahi, “Ma rintik Ia!”

LUKAS 10:38

Sanoli, hatiha mardalan Jesus rap dohot angka siseanNia i, masuk ma Jesus tu sada huta. Adong ma disi sada anak boru na margoar si Marta mangontang Jesus tu bagasna.

LUKAS 10:41

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

LUKAS 12:29

Antong hara ni i, ulang ganggu rohamunu taringot tu sipanganon sanga siinumonmunu; ulang ma humolos rohamunu taringot tusi. (

LUKAS 9:55

Ditailihon Jesus ma tu pudi, dimuruhi Ia ma halahi.

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

JOHANNES 11:5

Tutu do, holong do roha ni Jesus mida si Marta dohot anggina i songon i tu si Lasarus.

JOHANNES 12:2

Ditamu halahi ma Ia disi, jana dohot ma si Marta mangoloi disi tapi anggo si Lasarus dohot ma ia mangan rap dohot Jesus.

JOHANNES 6:27

Ulang pola marloja-loja hamu markarejo hara ni sipanganon na ra abis dohot na ra busuk. Markarejo ma hamu, anso dapot hamu sipanganon na so ra busuk jana na mangalehen hangoluan na so mantak. Lehenon ni Anak Ni Jolma i do di hamu panganon i; angke madung dilehen Damang, i ma Debata, kuaso i diSia.”