LUKAS 10:32 - BIBEL JAMITA NA DENGGAN

³² Songon i muse ma sada halak Levi. Mamolus muse ma ia sian i jana diida ia do bayo na tarsamun i. Laing dilaosi ia muse do bayo i, dibolus ia sian ipar ni dalan i.

LUKAS 10:32 Iomraidhean Croise

MASMUR 109:25

Madung gabe jaya au di halahi, mupir-upir ulu ni halahi marnida au.

PODA 27:10

Ulang halupahon donganmu dohot dongan ni amangmu. Di hasusaan, ulang pangido bantuan ni kahanggimu; margunaan do hombar bagas na donok ulang pado dongan saama-saina na dao.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

LUKAS 10:31

Jadi topet ma mamolus sada halak malim disi. Dung diida malim i bayo i, manopi-nopi ma ia jana dilaosi ia.

LUKAS 10:33

Tapi adong muse ma sada halak Samaria na mamolus disi. Dung diida ia bayo i gabe ibo ma rohania midasa.

BAENON NI ANGKA RASUL 16:28

Hape marsurak ma si Paulus sagogonia, “Ulang hahua dirimu! Dison do hami sudena!” ning ia.

BAENON NI ANGKA RASUL 18:17

Dung i gabe ditangkup halahi ma si Sostenes, kapala ni bagas paribadatan i, dibalbal halahi ma ia laing di jolo ni paruhuman i. Tapi nada pola diantoi si Galio taringot tusi.

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.