LUKAS 10:27 - BIBEL JAMITA NA DENGGAN

²⁷ Mangalusi ma bayo i, “Angkon holong do rohamu di Tuhan Debatamu sian sandok ate-atemu, sian sandok rohamu, sian sude gogomu, dohot sian sandok pikiranmu. Jana, angkon holong do rohamu di donganmu jolma songon pangkaholongimu di dirimu sandiri.”

LUKAS 10:27 Iomraidhean Croise

HAMALIMON 19:18

Ulang baloskon na jat sanga tu ise pe sanga magigi ho tusia, tapi haholongi ma donganmu songon pangkaholongimu di dirimu sandiri. Au do Tuhan.

MATEUS 19:19

Pasangap ma amangmu dohot inangmu. Dung i haholongi ma donganmu jolma songon pangkaholongimu di dirimu sandiri.”

LUKAS 10:26

Dialusi Jesus ma, “Bia dehe tarsurat di Buku Na Badia i? Aha do disise ho disi?”

SURAT NI SI PAULUS TU PARLAGUTAN ROM 13:9

Angke adong do tarsurat: Ulang markarosuan; ulang mamunu jolma; ulang manangko; ulang impol rohamu di sanga aha pe nampuna ni halak na asing; sudena i bope dohot angka aturan na asing i, nirahut do gabe sada aturan sajo, i ma na mandok, “Haholongi ma donganmu jolma songon pangkaholongimu di dirimu sandiri.”

GALATIA 5:13

Na dung dipiohon do hamu angka dongan anso gabe halak na bebas. Tapi ulang ma hara ni na bebas hamu gabe dalan laho mangoloi giot-giotmunu na sai mardosa i. Tapi marsioloan ma hamu sama hamu hara ni holong ni roha.

PANGARATAION 10:12

“Saonnari hamu ale angka dongan sabangso, parate-atehon hamu ma na nituntut ni Tuhan Debatamunu sian hamu: Maribadat tu Tuhan ma hamu jana patulus hamu sandok na niparentahonNia. Haholongi hamu ma Ia, sian sandok rohamunu dohot tondimunu ma oloi hamu Ia,

PANGARATAION 30:6

LehenonNa ma di hamu roha na burju mangoloi, jadi gabe holong ma rohamunu di Tuhan Debatamunu sian sandok rohamunu, jana bolas ma hamu torus maringanan di tano i.

PANGARATAION 6:4

Ingot hamu ma, angka dongan! Hum Tuhan, jana Tuhan sajo do Debatanta!

PANGARATAION 6:5

Haholongi ma Tuhan Debatamu sian sude rohamu, sian sude tondimu dohot sian sude gogomu.

IBRANI 8:10

Tapi saonnari, on ma janji na Hubaen dohot Israel tu angka ari na giot ro: SuankononKu ma angka tona tu bagasan pikiran ni halahi, jana suratkononKu tu ate-ate ni halahi. Debata ni halahi noma Au, jana halahi ma gabe bangsongKu.

JAKOBUS 2:8

Na denggan ma na nibaenmunu muda dipatulus hamu tona na gumodang tarsurat di Buku Na Badia i na mandok, “Haholongi ma donganmu jolma songon pangkaholongimu di dirimu sandiri.”

1 JOHANNES 3:18

Hamu angka dakdanakku! Ulang ma hum di pamangan sajo hita marholong ni roha sanga hum di hata sajo. Holong ni roha na tutu i ma tabaen mangkaholongi, sipataridahononta di pambaenanta.