LUKAS 10:2 - BIBEL JAMITA NA DENGGAN

² Jadi didokkon Ia ma tu halahi, “Bahat do nian sisabion, tapi otik do anggo parkarejo, hara ni i pangido hamu ma di Nampuna sabion i anso disuru Ia parkarejo tu sabionNa i.

LUKAS 10:2 Iomraidhean Croise

1 RAJA-RAJA 18:22

Dung i didok si Elia ma, “Sian sude panurirang ni Tuhan, hum sasada au noma na tading, hape dison adong do opat ratus lima pulu panurirang ni Baal.

MASMUR 68:11

Dibaen Tuhan ma tanda panggora, jadi dioban angka dadaboru ma barita:

JEREMIA 3:15

LehenonKu ma di hamu angka pamimpin na burju mangoloi Au. Pimpinon ni halahi ma hamu mardongan habisuhon bope marhite parbinotoan.

ZAKARIA 11:17

Hona bura ma parmahan na so hasaya i. Ditadingkon ia do punguan ni biri-birinia. Paujungon ni porang ma kuasonia. Gabe gale ma tanganna i jana mapitung ma matana siamun i.”

ZAKARIA 11:5

Dimatehon angka nampunasa ma angka biri-biri i marroha-roha, jana nada hona uhum halahi. Digadisi halahi ma juhut ni biri-birina i jana didok halahi ma, ‘Nipuji ma da Tuhan! Saonnari madung mamora hita!’ Salangkan angka parmahan i sandiri nada maribo ni roha mida angka biri-biri na niparmahanna i.

BILANGAN 11:17

Mijur pe Au jana manghatai dohot ho di inganan i, buatonKu ma saotik Tondi na Hulehen di ho anso Hulehen di halahi. Dung i tarbaen ma halahi mangurupi ho martanggung jawab hara ni bangso i, gabe nada hum ho sandiri be mamorsan i.

BILANGAN 11:29

Dialusi si Musa, “Biasi dukungonmu au? Giot pangidoonku dope tu Tuhan i anso dilehen Ia TondiNia tu sude bangsoNia, jana anso sude halahi mangkatai songon panurirang!”

MATEUS 20:1

“Anggo Harajaan Ni Banua Ginjang, tarsongon sada halak nampuna kobun anggur do i. Manyogot-nyogot i kehe ma ia manjalahi halak na giot markarejo di kobun anggurnia i.

MARKUS 13:34

Tarsongon sada halak na kehe tu na dao maninggalkon bagasna do pangalaho ni i. Dipasahat ia ma tu angka naposonia laho mangurus bagasnia. Dipasahat ma karejona be. Tu sijago pintu ditonahon ia hian do anso tangkas ia na manjagoi i.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

MARKUS 16:20

Dung i kehe ma angka siseanNia i pararatkon barita na sian Debata i. Tuhan i pe dohot do markarejo rap dohot halahi laho mangurupi parjamitaon ni halahi. Laing dipatupa Tuhan i muse ma angka tanda ni kuaso dohot angka hahomangan sanga na di dia dibaritahon halahi jamita na sian Debata i.] [

LUKAS 9:1

Dipiohon Jesus ma siseanNia sidua bolas halak i marlagut. Dilehen Ia ma gogo dohot kuaso tu halahi giot mangusir tondi na jahat dohot pamalum nyae.

BAENON NI ANGKA RASUL 11:19

Dung hona bunu si Stefanus, mamungka ma diayak-ayak sanga ise na porsaya tu Jesus, jana gabe marserak ma halahi sanga na tu dia. Adong ma na kehe lalu tu Punisia, adong muse ma na lalu tu Siprus dohot Antiokia. Hum tu halak Jahudi do dijamitahon halahi barita na sian Debata i.

BAENON NI ANGKA RASUL 13:2

Jadi sanoli dompak marsomba halahi tu Tuhan jana puaso, ro ma Tondi Parbadia tu halahi mandok, “Paasing hamu ma si Barnabas dohot si Saulus di Au, anso markarejo halahi di parkarejoan na Hutontuhon tu halahi.”

BAENON NI ANGKA RASUL 13:4

Hara ni parsuru ni Tondi Parbadia, kehe ma si Barnabas dohot si Saulus tu Seleukia. Sian i, markapal ma halahi tu pulo Siprus.

BAENON NI ANGKA RASUL 20:28

Antong jagohon hamu ma dirimunu dohot sude habanan i, harana madung dipabangkit Tondi Parbadia hamu gabe parmahan. Parmahani hamu ma parlagutan ni Tuhan i, na nibaen gabe nampunaNia markite-hite mudarNia sandiri.

BAENON NI ANGKA RASUL 22:21

Tapi didok Tuhan i ma muse tu au, ‘Kehe ma ho, harana suruonKu ma ho kehe tu na dao tu inganan ni halak sian bangso na asing.’ ” Ninna Tuhan i tu au.

BAENON NI ANGKA RASUL 8:4

Dijamitahon halak na porsaya na marserak i ma Jamita Na Denggan na sian Debata i di sude inganan.

1 KORINTUS 12:28

Laing songon i do di bagasan parlagutan i, madung ditontuhon Debata do inganan ni angka dongan i: Parjolo angka rasul; paduahon angka panurirang; patoluhon angka guru, dung i baru ma angka na mambaen tanda hahomangan, dung i angka na manjagit kuaso laho pamalum halak, sanga laho mangurupi halak na asing, sanga mamimpin, sanga mangkobari di bagasan hata na marragam rupa na so niastuan.

1 KORINTUS 15:10

Tapi hara ni asi ni roha ni Debata, madung gabe songon au na adong saonnari on, au. Jana nada parcuma na niampunan ni Debata au. Hape gabe lumoja dope au markarejo sian sude rasul na asing i. Tapi i pe sudena, nada hara ni usahongku i; usaho ni Debata na mangakaholongi au do i jana na markarejo rap dohot au.

2 KORINTUS 6:1

Tapi songon dongan saparkarejoan do hami podai hamu, gomos ma hami pangido tu hamu, ulang ma parsayang hamu hadengganan ni roha ni Debata i.

PILIPPI 2:21

Anggo na asing i do, hum na pareso tu dirina sandiri be do, jana nada tu haporluan ni Jesus Kristus.

PILIPPI 2:25

Salaho tu donganta si Epafroditus na nisuruhonmunu mangurupi au, ninna rohangku porlu do ia husuru mangulahi tu hamu. Didongani ia do au di angka parkarejoan dohot parjuanganku.

PILIPPI 2:30

Hum hara ni haporluan ni karejo ni Kristus i, saotik nari noma anso mate ia. Martaru hosa do ia di na mangalehen pangurupi tu au hara ni goarmunu.

KOLOSSE 1:29

Hugogoi do markarejo anso lalu tu tujuan i. Marjuang do au mamake sude gogo na nipasahat ni Kristus di au jana na markarejo di bagasan diringku.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TESSALONIKA 5:12

Pangidoannami tu hamu ale angka dongan, parsangapi hamu ma angka dongan na loja markarejo di tonga-tongamunu; i ma angka dongan na dung nitodo ni Tuhan i mamimpin dohot paingot hamu.

2 TESSALONIKA 3:1

Tangiangkon hamu ma hami anso torus rarat barita na sian Tuhan i, jana denggan nian dijagit halak songon na dung tulus tu hamu na salpu i.

1 TIMOTEUS 4:10

Hara ni i ma dibaen na manggogo hita jana marsitutu na karejo i, hara ni sude arop ni rohanta tu Debata na mangolu i; Ia do Sipalua ni jolma sasudena, lumobi ma i angka halak na porsaya.

2 TIMOTEUS 4:5

Tapi haru songon i pe, ulang pola jabat dut rohamu marnida sanga aha pe na masa. Sobar ma ho di parkancitan, karejohon ma karejomu, songon parjamita ni Jamita Na Denggan i jana dalankon ma na nipaporsankon tu ho sadenggan-dengganna.

PILEMON 1:1

Sian si Paulus, sada halak na tarhurung hara ni Kristus Jesus, dohot sian si Timoteus donganta, tu si Pilemon na nihaholongan, dongan saparkarejoannami.

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

HALUMBAAN 2:1

“Tu surusuruan ni parlagutan na di Epesus, songon on ma suratkon: On ma barita sian na maniop bintang na pitu i di tangan siamunNia jana na mardalan pahae-pahulu di holang-kolang ni parlampuan sere na pitu i.