LUKAS 10:19 - BIBEL JAMITA NA DENGGAN

¹⁹ Ingot hamu ma! Madung dijagit hamu kuaso sian Au laho mandegei ulok dohot hala, songon i muse kuaso laho manaluhon sude kuaso ni musu. Jana umpe sada na tarbaen mangkahua hamu.

LUKAS 10:19 Iomraidhean Croise

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

MASMUR 91:13

Langkaanmu ma ulok dohot singa, degeonmu singa jara-jara dohot ulok na marbisa.

JESAYA 11:8

Salangkan anak na baru sorang pe nada mahua haru pe marmayami di lambung ni ulok na bisa.

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

MARKUS 16:18

Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”

LUKAS 11:12

Sanga, ra ma he hamu mangalehen hala tu dakdanakmunu, muda dipangido ia pira?

BAENON NI ANGKA RASUL 28:5

Tapi dihirpaskon si Paulus ma ulok i tu api i, umpe hancit dilala ia.

SURAT NI SI PAULUS TU PARLAGUTAN ROM 16:20

Tapi tibu ma diropukkon Debata mual ni hasonangan i, Sibolis i tu toru ni patmunu! Sai didongani asi ni roha ni Tuhanta Jesus Kristus ma hamu. Sai tongtong ma hamu dipasupasu Jesus Kristus Tuhanta i!

HALUMBAAN 11:5

Muda adong halak na mancubo-cubo mambaen na jahat tu halahi, gabe ruar ma api sian pamangan ni halahi laho mangaluntak angka musu ni halahi i. Jadi songon i ma dalanna gabe tarbunu sude sanga ise na giot mambaen susa tu halahi.