LUKAS 10:16 - BIBEL JAMITA NA DENGGAN

¹⁶ Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 10:16 Iomraidhean Croise

HARURUAR 16:7

Manyogot idaonmunu ma sumirlak sinondang sian hamuliaan ni Tuhan. Madung dibege Tuhan angka ungut-ungutmunu tuSia, olo tutu, maradopkon Tuhan. Angke anggo hami, hum patulus na niparentahonNia do.”

HARURUAR 16:8

Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

BILANGAN 14:11

Didok Tuhan ma tu si Musa, “Sadia honok nari aloon ni bangso on Au? Sadia honok nari tangkang halahi nada ra porsaya di Au, haru pe na dung bahat Hubaen hahomangan di tonga-tonga ni halahi?

BILANGAN 14:2

Marungut-ungut ma halahi tu si Musa dohot tu si Harun. Ninna halahi ma, “Dumenggan ma mate hian hita di Mesir sanga pe di parhorsihan on.

BILANGAN 16:11

Muda marungut-ungut ho Korah dohot angka donganmi laho mangalo si Harun, Tuhan do na nialomunu!”

MATEUS 10:40

“Na manjagit hamu, Au do na nijagitna. Halak na manjagit Au, dijagit ia muse do na marsuru Au.

MATEUS 18:5

Dung i halak na manjagit dakdanak na songon on di bagasan goarKu, laing na manjagit Au do halak na songon i.”

MARKUS 9:37

“Sanga ise na manjagit dakdanak na songon on hara ni Au, na manjagit Au do i. Dung i, sanga ise na manjagit Au, nada Au sajo na nijagitnia disi tapi dohot muse do dijagit ia Debata na marsuru Au.”

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

JOHANNES 12:44

Dung i didokkon Jesus ma, “Sanga ise na porsaya tu Au, nada hum tu Au porsaya halahi tapi dohot do tu na marsuru Au.

JOHANNES 12:48

Saulahon, adong do na manguhumi sanga ise na so ra manjagit Au jana na so ra patuluskon angka na Hudok. Jamita na Hupalalu i do na gabe panguhum maradopkon halahi di Ari Parpudi.

JOHANNES 13:20

Tutu do na Hudok on tu hamu: Sanga ise na manjagit suruanKu, na manjagit Au do i. Sanga ise na manjagit Au, Debata na marsuru Au do na nijagitna disi.”

BAENON NI ANGKA RASUL 5:4

Nada he tanomu hian do i dompak so digadis ho? Dung digadis ho pe tano i, laing ho do nampuna hepengna i. Antong biasi tubu di bagasan rohamu mambaen songon i? Nada jolma na nigabusanmu. Tapi Debata do!”

GALATIA 4:14

Anggo disi nada pola magigi hamu mida au, haru pe gabe songon cobaan na godang pangalaho ni pamatangku hatiha i di hamu. Songon surusuruan ni Debata do au di panjagitmunu sanga songon na manjagit Kristus Jesus sandiri.

1 TESSALONIKA 4:8

Hara ni i, sanga ise na manulak pangajaran on nada jolma be na nitulakna, tapi na manulak Debata na mangalehen TondiNa na badia i do tu hamu.