LUKAS 1:9 - BIBEL JAMITA NA DENGGAN

⁹ Jadi songon dia na somal dibaen angka malim, laing dipadalan ma undian. Gabe si Zakaria ma hona undi masuk tu Bagas Ni Debata laho manutung hamonyan disi.

LUKAS 1:9 Iomraidhean Croise

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

1 JUJUR TAON 6:49

Anggo si Harun dohot pomparanna, martugas manutung hamonyan ma halahi, manghaulkon haul situtungon di ginjang ni langgatan, mandalankon sude ibadat di Bilik Na Sun Badia dohot manghaulkon haul panyesa dosa ni umat Israel. Sudena i didalankon halahi do hombar tu angka na nipaboa ni si Musa naposo ni Debata i.

2 JUJUR TAON 26:16

Dung gogo Raja Usia gabe ginjang ma rohania, jana i ma na maroban ia tu hasegoan. Dilanggar ia ma parenta ni Tuhan Debatania, harana masuk ma ia tu Bagas Ni Debata laho manutung dupa di ginjang ni langgatan pardupaan.

2 JUJUR TAON 29:11

Hamu angka dakdanakku, ulang be palambat-lambat hamu, angke hamu do na nipili ni Tuhan laho manutung dupa diSia dohot na laho mamimpin rayat i maribadat tuSia.”

BILANGAN 16:40

Gabe parningotan di bangso Israel, bahaso asing sian pomparan ni si Harun, sahalak pe nada tola ro tu langgatan laho manutung hamonyan di Tuhan i. Halak na mangalanggar aturan on angkon dibunu songon si Korah dohot donganna. Jadi sudena i dipatulus do i songon na dung diparentahon Tuhan tu si Eleasar marhite si Musa.

MATEUS 27:5

Gabe disampakkon ia ma hepeng perak i tu Bagas Ni Debata, dung i kehe ma ia manyingkot.

IBRANI 9:6

Songon i ma dibaen pangaturna sude. Ganop ari angkon masuk ma angka malim i tu bagasan bilik na parjolo i laho mandalankon karejo ni halahi.

1 SAMUEL 2:28

Sian sasude marga ni Israel Hupili do horong ni si Harun gabe malim di Au, laho mangkobasi di langgatan, manutung dupa, dohot mamake baju efod muda mangkobari dohot Au. Jana Hulehen do tu halahi hak laho mambuat deba sian haul parhaulan na ditutung di langgatan i.