LUKAS 1:80 - BIBEL JAMITA NA DENGGAN

⁸⁰ Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.

LUKAS 1:80 Iomraidhean Croise

MATEUS 11:7

Dung mulak angka anak sisean ni si Johannes i, ditaringoti Jesus ma tu halak na bahat i salaho tu si Johannes. Ning Ia: “Na giot mangaligi aha do hamu di na kehe tu halongonan? Sanggar na niombus ni alogo do?

MATEUS 3:1

Dompahi, tarida ma si Johannes Pandidi di halongonan na di tano Juda. Disi ma ia mamungka marjamita.

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

LUKAS 2:40

Mur magodang ma Dakdanak i, jana mur gogo, gok hapistaran, asa didongani asi ni roha ni Debata do Ia.

LUKAS 2:52

Mur honok mur magodang ma Jesus jana mur marbisuk boti jop roha ni Debata dohot jolma diSia.

JOHANNES 1:31

Nada hutanda hian sanga na ise Ia, tapi hara ni i do umbaen na ro au mandidihon dohot aek anso ditanda halak Israel Ia.”

BAENON NI ANGKA RASUL 18:28

Angke hara ni sahalania, ditaluhon si Apollos do halak Jahudi di angka na marsoal-soal i di jolo ni halak na bahat. Jana tangkas do dipatuduhon ia angka ayat sian Buku Na Badia i laho mambuktihon bahaso na tutu do Jesus i Kristus.

1 SAMUEL 2:21

Dipasupasu Debata do si Hanna, gabe sorang ma muse tolu anaknia halaklahi dohot dua anak dadaboru. Si Samuel pe mur magodang ma di jolo ni Debata.