LUKAS 1:8 - BIBEL JAMITA NA DENGGAN

⁸ Jadi di na sanoli, topet ma si Zakaria mandalankon karejo hamalimon di jolo ni Tuhan.

LUKAS 1:8 Iomraidhean Croise

1 JUJUR TAON 24:19

Parsusun ni goar-goar ni halahi i disurat mangihutkon karejo ni halahi masuk tu Bagas Ni Debata dohot mandalankon karejo di bagasan ibadat marguru tu na dung ditontuhon ni si Harun, ompu ni halahi i, laing songon na niparentahon ni Tuhan, Debata ni Israel.

2 JUJUR TAON 11:14

Ditadingkon angka halak Levi i ma padang-padang ruput dohot tano ni halahi jana pinda ma halahi tu Juda dohot Jerusalem, harana nada diisinkon si Jerobeam raja ni Israel dohot na manggontihon ia be halahi markarejo songon malim ni Tuhan.

2 JUJUR TAON 31:19

Sian angka malim na maringanan di angka kota na nitontuhon ni si Harun sanga na di padang-padang na humaliang angka kota i, ditontuhon ma angka parkarejo na mambagi-bagihon bahan ni sipanganon tu sude halaklahi na adong di keluarga ni malim dohot tu ganop halak na tardaftar di Marga Levi.

2 JUJUR TAON 31:2

Diaturkon Raja Hiskia ma mangulahi parbagi ni karejo ni angka malim dohot halak Levi. I ma angka karejo na mardomu tu pangalaho on: Manghaulkon haul situtungon dohot haul pardamean, dohot maribadat di Bagas Ni Debata, jana mamuji lalu mandok tarimakasi tu Tuhan di angka inganan na marragam di Bagas Ni Debata.

2 JUJUR TAON 8:14

Hombar tu angka aturan na nibaen ni si Daud amangnia i, dibagi si Salomo ma karejo ari-ari ni angka malim dohot halak Levi na mangurupi angka malim di na mangkarejohon dohot na mangendehon puji-pujian. Songon i muse angka pangawal ni Bagas Ni Tuhan i, dibagi ia do i marrombongan-rombongan di ganop pintu horbangan, hombar tu na niaturkon ni si Daud naposo ni Debata i.

ESRA 6:18

Dung i tu pangkobasion di Bagas Ni Tuhan, disusun halahi ma golongan ni angka malim songon i angka halak Levi mangihutkon paraturan na tarsurat di buku ni si Musa.

HARURUAR 28:1

“Piohon ma angkangmu si Harun dohot angka dakdanaknia i si Nadab, si Abihu, si Eleasar dohot si Itamar. Paasing ma halahi sian halak Israel, anso tarbaen halahi mangoloi Au songon malim.

HARURUAR 28:41

Papakehon ma pakean i tu angkangmu si Harun dohot tu angka dakdanaknia i. Miahi ma halahi dohot miak zetun; jadi sah ma halahi gabe malim jana dipasahat laho mangoloi Au.

HARURUAR 29:1

“Songon on ma carana baenon pabadiahon si Harun dohot angka dakdanaknia anso tarbaen halahi mangoloi Au songon malim. Buat ma sada lombu jantan na poso dohot dua biri-biri jantan na so martihas.

HARURUAR 29:44

Gabe badia ma Bandar Parmianan dohot langgatan i baenonKu. PaasingonKu ma si Harun dohot angka dakdanaknia sian halak na asing anso gabe malim halahi mangoloi Au.

HARURUAR 29:9

bobat dohot basaen jana kupiai ma halahi. Songon i ma baen carana mangangkat si Harun dohot angka dakdanaknia i. Angkon oloan ni halahi ma Au lopus tu pinompar ni halahi ro di salolot-lolotna songon malim.

HARURUAR 30:30

Dung i miahi ma si Harun dohot angka anaknia i jana lantik ma halahi gabe malim laho mangoloi Au.

BILANGAN 18:7

Tapi hum ho dohot anakmu sajo do na tola mandalankon karejo ni malim na mardomu dohot langgatan bope dohot barang aha pe na adong di Bilik Na Sun Badia i. I ma karejomu, dibaen madung Hubaen hamu gabe malim. Ganop halak na so dapotan hak na songon i angkon mate uhumon muda donok tu angka barang na badia i.”

LUKAS 1:5

Hatiha si Herodes gabe raja di Luat Judea, adong ma sada malim na margoar si Zakaria. Masuk tu horong ni Malim Abia do ia. Dadaborunia margoar si Elisabet, laing sian pomparan ni malim muse.

LUKAS 1:7

Nada mardakdanak halahi angke na so maruntungan do si Elisabet, boti rap matobang do halahi.