LUKAS 1:79 - BIBEL JAMITA NA DENGGAN

⁷⁹ Songon i ma dilehen Ia sinondangNia tu sude halak na mangolu di bagasan hagolapan dohot biar. Togu-toguonNia ma hita di dalan hadameon.”

LUKAS 1:79 Iomraidhean Croise

JOB 10:22

Luat na homur na gok halinu ni hagaoran, sarupa ma disi sinondang dohot hagolapan.”

JOB 3:5

Baen ma ari i mangalomlom, manggolap mambulita, mangarambon jana samon; ombun bope sonja tutupkon tusi, gupgupi muse sian sinondang ni mataniari.

MASMUR 107:10

Adong ma i na puhung di hagolapan na tarhurung di bagasan hasusaan dohot bosi;

MASMUR 107:14

Dioban halahi ruar sian hagolapan; diponggolkon Ia rante ni halahi.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 25:12

Diajarkon Tuhan do tu halak na unduk roha, dalan na giot bolusonna.

MASMUR 44:19

Hape ditadingkon Ho do hami di bagasan hagolapan, na so margeldok di tonga-tonga ni binatang harangan.

PODA 3:17

Sonang jana maduma do ngolumu baenon ni habisuhon.

PODA 8:20

Dalan hajujuron do na huihutkon, di dalan hatigoran do na hulangkahon.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 42:7

laho mambuka mata na mapitung; laho paruarkon na hona uhum sian bagas hurungan, angka halak na juguk di bagasan hagolapan sian hurungan.

JESAYA 48:17

Songon on ma pandokkon ni Tuhan, Partobusmu, Na Sun Badia, Debata ni Israel: “Au do Tuhan, Debatamu, na mangajari ho salaho tu na mangkorhon na denggan, na mangaramoti ho di dalan na angkon bolusonmu.

JESAYA 48:22

“Nada adong hadameon di halak parjahat!” ninna Tuhan.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 49:9

Halak na tarkurung Hulehen haluaan, na di hagolapan obanonKu tu na torang. Salang di dolok na limus pe nada halahi marhahurangan, sapanjang dalan rade do sipanganon.

JESAYA 59:8

Nada daionmunu hasonangan ni roha. Sude do parbuatanmunu na so tigor. Marbulut-bulut do dalanmunu, jana nada sonang sanga ise halak na mangihutkon dalanmunu i.

JESAYA 9:2

Bangso na mangolu di bagasan hagolapan, madung marnida sinondang na godang. Na maringanan di bagasan halinu ni hamatean madung disondangi hatiuran ni sinondang.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

LUKAS 2:32

i ma sinondang na manyondangi angka bangso na asing, jana gabe hamuliaan di bangsoMu, Israel.”

JOHANNES 1:9

Torang na tutu na manorangi sandok jolma, ro tu portibi on.

JOHANNES 12:46

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 9:5

Salolot di tano on Au, Au do sinondang ni portibi on.”

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

SURAT NI SI PAULUS TU PARLAGUTAN ROM 3:17

jana nada ditanda halahi dalan hasonangan.

EPESUS 5:8

Hamu sandiri pe di hagolapan hian do najolo. Anggo saonnari madung gabe na torang hamu di bagasan Tuhan i. Hara ni i, mangolu ma hamu songon angka dakdanak ni hatorangan i.