LUKAS 1:78 - BIBEL JAMITA NA DENGGAN

⁷⁸ hara ni asi dohot holong ni roha na sian Debatanta, jana marhite i do bincar di hita sinondang manyogot sian inganan na gincat.

LUKAS 1:78 Iomraidhean Croise

MASMUR 25:6

Ingot ma denggan dohot holong ni rohaMu, na nipatidahonMu mamungka sian hatiha na salpu.

JESAYA 11:1

Songon hayu na nitaba do pomparan ni si Daud anak ni si Isai i. Tapi tubu do tunas sian tungko ni si Isai i jana sorang do anakna sian uratna i.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JESAYA 63:7

Giot paboaonKu do, holong ni roha ni Tuhan na so marhaujungan. Hupuji Ia hara ni sude pambaenanNia, pasupasuNia marlobian di hita bangsoNia. Angke gok ibo ni roha do Ia jana holong ni rohaNia nada marhasidungan.

ZAKARIA 3:8

Tangihon ma, ale Malim Godang Josua, dohot hamu ale angka malim na asing, hamu ma da na songon gambaran ni hatiha hasonangan na giot ro. PatidahononKu ma di hatiha i naposongKu i ma Sada Tunas.

ZAKARIA 6:12

Palalu tusia na Hudok, Au Tuhan Na Markuaso mandok tusia, ‘Halak na margoar Tumbur i manjadi do karejonia sanga na di dia pe inganannia jana paulionnia ma mangulahi Bagas Ni Tuhan.

MALEAKI 4:2

Tapi anggo tu hamu angka na mangkabiari Au, songon mataniari bincar do kuasongKu na paluahon dohot padumpangkon hamamalum di hamu. Malua do hamu jana marjop ni roha songon anak ni lombu na baru dipalua sian barana.

BILANGAN 24:17

Madung huida na giot masa muse di Israel. Sada raja na marasal sian Israel. Giot ro songon parbincar ni bintang, sada bintang na marlalai, na marsinondang. Pamimpin ni Moab giot libasonnia angka bangso Set giot taluhononnia.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

PILIPPI 1:8

Sai lungun sajo do rohangku tu hamu angka dongan, mardongan pangkilalaan holong ni roha na solkot sian Jesus Kristus sandiri. Debata ma saksina, paboa na tutu na hudok i.

PILIPPI 2:1

Nada he hara ni na mangolu i do hamu di bagasan Kristus umbaen na margogo hamu? Umbaen na tarapul pe hamu hara ni na holong do rohaNia mida hamu! Solkot pe hamu sama hamu, hara ni na nitogu-togu ni Tondi i do hamu, jana marsihaholongan muse do hamu bope marsiasi-asian.

KOLOSSE 3:12

Antong hamu angka na dung dipuldit ni Debata, na diparbadia i jana na dihaholonginNia, pake hamu ma ibo ni roha, habasaron, toruk ni roha, lambok ni roha dohot hapohomon.

2 PETRUS 1:19

I do umbaen na mur pos rohanami di barita ni Debata na nipaboa ni angka panurirang i. Denggan sajo do sugari dohot hamu mamparate-atehon barita i, angke songon lampu na marsinondang di inganan na golap do barita i jana marsinondang ma i songon sinondang ni bintang di andostorang di bagasan rohamunu.

1 JOHANNES 3:17

Muda adong sada halak na marsinadongan di tano on na marnida donganna markahurangan, hape nada ra ia patuduhon ibo ni roha tu donganna i, bia ma he pandoknia na holong rohania tu Debata?

HALUMBAAN 22:16

“Au, Jesus, madung Hutongos surusuruanKu tu hamunu anso dipaboa ia taringot tu pangalaho on laho manyarihon angka parlagutan i. Pomparan ni si Daud do Au; Au ma bintang sidongdong na torang i.”