LUKAS 1:76 - BIBEL JAMITA NA DENGGAN

⁷⁶ O, ale anakku, goaron ma ho panurirang ni Debata Na Gumincat i. Jumolo do ho disuru Tuhan giot manastas dalan sibolusonNia.

LUKAS 1:76 Iomraidhean Croise

MASMUR 87:5

Salaho tu Sion didokkon ma, “Di bagasanna do sude halahi disorangkon jana Ia Na Gumincat na giot pahotkon halahi.”

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

MATEUS 14:5

Jadi, giot bunuon ni si Herodes ma si Johannes, tapi mabiar ia mida halak. Harana, dietong roha ni halak do si Johannes songon panurirang.

MATEUS 21:26

Tapi muda tadok, ‘Sian jolma’, angkon hilalaonta do pangkilalaan ni halak na bahat muse. Harana sude halak marpandapot, sada panurirang do si Johannes.”

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

MATEUS 3:3

Si Johannes on ma na nidok ni Panurirang Jesaya di angka hatania on, “Adong ma sada halak na pio-pio di halongonan, ‘Pauli hamu ma dalan ni Tuhan; pahornop hamu ma dalan na giot bolusonNia.’ ”

MARKUS 11:32

Tapi songon na so tardok do, ‘Sian Jolma.’ ” Harana, mabiar do halahi mida halak na bahat, angke panurirang do si Johannes dietong roha ni halak na bahat i.

LUKAS 1:32

Gabe magodang ma Ia jana digoari ma Ia Anak Ni Debata Na Gumincat. Gabe raja ma Ia baenon ni Debata songon si Daud ompuNa i.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

JOHANNES 1:23

Dialusi si Johannes ma dohot hata songon na nidok ni Panurirang Jesaya, “Anggo au, ‘Sora ni halak na pio-pio di halongonan do au: Pahornop hamu ma dalan ni Tuhan!’ ”

JOHANNES 1:27

Umpudi dope Ia ro ulang au, tapi mangkarhari tali ni sipatuNia pe, nada tama dope au.”

JOHANNES 3:28

Hamu pe madung dibege hamu hudok, ‘Nada au Kristus i. Hum patujolo sajo do au umbaen na disuru parjolo ulang Ia.’

BAENON NI ANGKA RASUL 16:17

Sai dipaihut-ihut anak boru i ma si Paulus dohot hami, marsurahi ma ia, “Naposo ni Debata na gumogo i do halak on! Ro pe halahi, na giot paboahon dalan haluaan do tu hamu ale angka dongan!” ning ia.