LUKAS 1:75 - BIBEL JAMITA NA DENGGAN

⁷⁵ di bagasan habadiaan dohot hatigoran di adopanNia, salolot ni lolotna.

LUKAS 1:75 Iomraidhean Croise

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”

ZAKARIA 8:19

“Gabe ari pesta na gok jop ni roha dohot hasonangan ma di halak Juda puaso na didalankon di bulan paopatkon, palimahon, papituhon dohot pasampuluhon. Haholongi hamu ma hatigoran dohot dame!”

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

EPESUS 1:4

Dompak so dijadihon dope portibi on, madung ditodo Debata hian hita markite-hite Kristus anso gabe Debata sandiri nampuna hita jana na so martihas di adopanNia. Hara ni holong ni roha ni Debata,

EPESUS 2:10

Na nitompa ni Debata do hita on, jana markite-hite Jesus Kristus dipauli Debata hita anso tabaen angka pangalaho na denggan na nipasingkopNia humani di hita.

EPESUS 4:24

Sugari nian angkon marbako na imbaru ma ngolumunu na nitompa mangihutkon rupa ni Debata; i ma bako na sintong, na tigor dohot na badia.

PANGARATAION 6:2

Salolot mangolu hamu dohot pomparanmunu sai habiari hamu ma Tuhan Debatamunu jana oloi hamu ma sude aturanNa na giot silehenonku tu hamu, anso ginjang umurmunu di tano i.

1 TESSALONIKA 4:1

Dung i muse ale angka dongan, ihutkon hamu ma pangajaran na nijagitmunu sian hami sanga bia na patut ngolumunu laho pasonangkon roha ni Debata. Tutu nian saonnari pe madung songon i ngolumunu. Tapi saonnari mangasahon kuaso ni Tuhan Jesus gomos hami pangido jana hami sosoi hamu anso mur marsitutu hamu mangkaburjuhon i!

1 TESSALONIKA 4:7

Dipio Debata pe hita, nada anso hodar ngolunta, tapi anso badia do ngolunta i.

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

2 TIMOTEUS 1:9

Dipalua Debata do hita jana dipiohon Ia hara ni na giot baenonNia hita gabe halakNia sandiri. Nada marnida tu angka karejonta i dibaen Debata, tapi marguru tu sangkapNia sandiri do i dohot denggan ni rohaNia. Taran so dijadihon dope portibi on madung songon i hian denggan ni rohaNia adop hita markite-hite Kristus Jesus.