LUKAS 1:68 - BIBEL JAMITA NA DENGGAN

⁶⁸ “Pinuji ma Tuhan Debata ni bangso Israel Madung ro Ia manopot bangsoNa, jana paluahon halahi.

LUKAS 1:68 Iomraidhean Croise

PAMUNGKAAN 14:20

Tarpuji ma Debata Na Gumincat i na dung mangalehen hamonangan tu ho maradopkon angka musumu.” Dung i dipasahat si Abram ma tu si Melkisedek saparsampulu sian sude barang na nirampas i na niobannia mulak.

PAMUNGKAAN 24:27

Ning ia ma, “Nipuji ma Ho o Tuhan, Debata ni tuanku si Abraham. Torus do ditiop Ho Tuhan janjiMi na tu tuanku si Abraham jana diuluhon Ho do au lalu tumbuk tu koum sisolkotnia.”

PAMUNGKAAN 9:26

Pinuji ma Tuhan, Debata ni si Sem! Gabe hatoban ni si Sem noma si Kanaan.

1 RAJA-RAJA 1:48

lalu martangiang, ‘Puji-pujian ma di Tuhan Debata na nisomba ni halak Israel. Sadari on madung huangkat sahalak sian pomparanku gabe raja manggontihon au. Jana dipaloas Ho dope au mangolu anso tarsaksihon au i!’ ”

1 RAJA-RAJA 8:15

Didokkon si Salomo ma, “Nahinan madung marjanji Ho Tuhan tu damang si Daud songon on, ‘Sian dung Huoban bangsongKu ruar sian Mesir, di sude luat ni Israel, nada adong sada pe kota na Hupili na gabe inganan na angkon disi pajongjongon bagas parsombaan tu Au. Tapi ho ale Daud, madung Hupili ho laho mamarenta bangsongKu.’ Pinuji ma Tuhan Debata ni Israel na dung patulus janjiNa i!”

1 JUJUR TAON 29:10

Di jolo ni halak na bahat i, dipuji Raja Daud ma Tuhan. Ning ia ma, “O Tuhan, Debata na nisomba ni ompunami si Jakob, sipujion ma Ho salolot-lolotna!

1 JUJUR TAON 29:20

Dung ditangianghon ia songon i didok si Daud ma tu halak na bahat na marlagut disi, ning ia ma, “Puji hamu ma Tuhan Debatamunu i!” Jadi dipuji halahi ma Tuhan, Debata na nisomba ni angka ompu ni halahi i. Manungkap ma halahi pasangapkon Tuhan dohot raja i.

MASMUR 106:48

Puji ma Tuhan, Debata ni Israel, saonnari dohot salolot-lolotna. Sude ma halak mandok, “Amen!” Puji ma Tuhan!

MASMUR 111:9

Dipalua Tuhan na badia jana na marsahala i bangsoNa, jana dibaen Ia parjanjian na hot dohot halahi sudena.

MASMUR 130:8

Giot paluaonNia do hita, bangsoNa, sian sasude dosanta.

MASMUR 41:13

Puji ma Tuhan, Debata ni Israel! Puji ma Ia saonnari bope sapanjangna! Sai tulus ma songon i. Amen!

HARURUAR 4:31

Gabe porsaya ma halahi boti dung dibege halahi bahaso na dung ro hape Debata marnida sude parkancitan ni halahi, dipaunduk halahi ma marsomba tu Debata.

LUKAS 1:71

Na giot paluaonNia ma hita sian angka musunta dohot sian kuaso ni halak na magigi mida hita.

LUKAS 19:44

Roncohonon ni halahi ma ho, songon i sude halak na adong di bagasan tembok ni kotami; nada dipadiar halahi umpe sada batu di ginjang ni donganna, hara ni na so diparrohahon ho sanga andigan Debata ro giot paluahon ho!”

LUKAS 2:38

Topet ma hatiha i laing ro ia mamuji Debata bope mangkobari taringot tu Dakdanak i tu sude halak na sai painte-intehon sanga andigan hatihana paluaon ni Debata Jerusalem.

LUKAS 24:21

Hape anggo hami arop hian do rohanami, Ia humani ma na paluahon Israel! Tapi madung salpu tolu ari na masa i!

LUKAS 7:16

Sude ma halak mabiar, dipuji halahi ma Debata. Ninna halahi, “Madung tarida sada panurirang na godang di tonga-tonganta! Madung ro Debata laho paluahon bangsoNia!”

EPESUS 1:3

Pinuji ma Debata, Ama ni Tuhanta Jesus Kristus! Dipasupasu Ia do hita dohot sude ragam-ragam ni pasupasu partondion sian banua ginjang, hara ni na dung mardomu i hita dohot Kristus.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

IBRANI 9:12

Hum sanoli sajo do Kristus masuk tu Bilik Na Sun Badia na di bandar i ro di salolot-lolotna. Anggo di hatiha i nada maroban mudar ni hambeng jantan Ia sanga mudar ni anak ni lombu sihaulkonon; hum mudarNia sandiri do dioban Ia jana i ma dalanna dibaen Ia paluahon hita salolot-lolotna.

1 PETRUS 1:3

Mandok tarimakasi ma hita tu Debata bope Ama ni Tuhanta Jesus Kristus! Hara ni denggan ni rohaNia, dibaen Ia do hita gabe jolma na imbaru na maruli arop ni roha na tongtong mangolu, angke madung dipangolu Kristus mangulahi sian hamatean.

1 SAMUEL 25:32

Dung i didok si Daud ma tusia, “Nipuji ma Tuhan, Debata ni Israel na marsuru ho mandapotkon au di ari sadari on!