LUKAS 1:6 - BIBEL JAMITA NA DENGGAN

⁶ Jop do roha ni Debata marnida ngolu ni halahi na saripe. Rap sipangoloi do halahi na dua di parenta dohot paraturan ni Tuhan.

LUKAS 1:6 Iomraidhean Croise

PAMUNGKAAN 17:1

Di na marumur si Abram sambilan pulu sambilan taon, dipatidahon Tuhan ma diriNa tusia jana didok ma, “Au do Debata Na Gumogo. Oloi ma Au jana patulus tongtong sanga aha hagiotKu.

PAMUNGKAAN 6:9

On ma barita ni si Noak. Adong do tolu anaknia, i ma si Sem, si Ham dohot si Jafet. Nada adong sala ni si Noak, jana hum sasada ia ma jolma na burju di hatihania i. Marpardonganan dohot Debata do ia di ngolunia.

PAMUNGKAAN 7:1

Jadi didok Tuhan ma tu si Noak, “Masuk ma ho tu kapal i rap dohot sude isi ni bagasmu; hum sasada ho ma Huida jolma na satano on na patuluskon hagiotKu.

1 RAJA-RAJA 15:5

Hara ni na nibaen ni si Daud do pangalaho na pasonangkon roha ni Tuhan umbaen dipatupa Tuhan songon i; nada jungada nayang rohania di angka na niparentahon ni Tuhan, asing sian parkaro na tu si Uria halak Het i.

1 RAJA-RAJA 9:4

Muda disomba ho Au mardongan roha na ias songon amamu si Daud jana dioloi ho angka uhum dohot parentangKu,

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

2 JUJUR TAON 17:4

tapi maribadat tu Debata do ia. Burju do ia mangoloi angka parenta ni Debata, jana ngolunia pe nada songon angka raja ni Israel.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 1:8

Dung i disapai Tuhan muse ma, “Madung he dipamanat ho si Job naposongKi? Sude jolma na di portibi nada adong halak na songon i burjuna dohot denggan ni rohana. Marsomba tu Au do ia jana nada mambaen hajahatan ia.”

MASMUR 119:6

Muda huparrohahon sude parentaMu, gabe nada jabat maila be au.

LUKAS 1:7

Nada mardakdanak halahi angke na so maruntungan do si Elisabet, boti rap matobang do halahi.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

LUKAS 2:25

Jadi di hatiha i adong ma sahalak di Jerusalem na margoar si Simeon. Halak na burju do ia, na mabiar tu Debata jana na sai paintehon hatihana paluaon ni Debata halak Israel. Didongani Tondi Parbadia do ia.

BAENON NI ANGKA RASUL 2:25

Taringot tuSia jungada do didok si Daud, ‘Sai huida do tongtong Tuhan di jolongku; didongani Ia do au, anso ulang adong sanga aha pe na paganggu rohangku.

BAENON NI ANGKA RASUL 23:1

Diligi si Paulus ma jolo anggota ni pangadilan i, lalu didok ia ma, “Hamu angka kahanggingku! Lopus saonnari na so adong dope huhilala marsala au tu Debata di bagasan taroktokku taringot tu pardalan ni ngolungku.”

BAENON NI ANGKA RASUL 24:16

Hara ni i do umbaen na tongtong au marsitutu karejo, anso ias taroktokku maradopkon Debata jana ias muse maradopkon jolma.

BAENON NI ANGKA RASUL 8:21

Nada adong tohapmu di bagasan karejonami on, angke na so ias do rohamu maradopkon Debata.

SURAT NI SI PAULUS TU PARLAGUTAN ROM 8:4

Dibaen Debata pe songon i, anso tardalankon do tuntutan na tigor sian na nidok ni Tona i di bagasan dirinta, na mangolu mangihutkon Tondi Ni Debata jana na so mangihutkon bako ni jolma.

1 KORINTUS 11:2

Hupuji do hamu angke sai diingot hamu do au jana sai diihutkon hamu do parsiajaran na huajarkon i tu hamu.

2 KORINTUS 1:12

Anggo na pagodang rohanami on do: Dipapos taroktoknami do rohanami taringot tu sude na hami karejohon di tano on – lumobi na marpardomuan tu hamu – sian roha na ias jana na polin na sian Debata do hami baen i sudena, nada sian habisuhon ni portibi, tapi sian asi ni roha ni Debata do.

PANGARATAION 5:33

Oloi hamu ma i sudena, anso sonang hamu jana tarbaen tongtong mangingani tano na giot siingananmunu i.”

PILIPPI 2:15

Di na songon i, patuduhon hamu ma paboa na tutu hamu dakdanak ni Debata, na so martilako, na bulus jana bonar di tonga-tonga ni angka halak na jahat dohot na mardosa. Jana di na palaluhon jamita taringot tu hangoluan i hamu tu halahi, angkon gabe songon sinondang na manorangi portibi on do hamu maradopkon halahi. Muda songon i ngolumunu, gabe adong ma dalan di au saulahon laho mamuji diringku hara ni hamu, di haroro ni Jesus Kristus mangulahi. I ma tandana, na so sayang boti parjuanganki jana marhasil do halolojangki.

KOLOSSE 1:22

Tapi anggo saonnari madung dipadame Ia hamu di bagasan pamatangNia markite-hite hamatean i, anso badia hamu, nada martihas jana na so sipincangon maradopkon Ia.

1 TESSALONIKA 3:13

Jadi muda songon i, tarbaen Tuhan ma patoguhon rohamunu, anso gabe badia hamu jana nada adong sigorahonon di adopan ni Debata Amanta, di haroro ni Tuhanta Jesus rap dohot sudena halak na gabe nampunaNia.

2 PETRUS 3:14

Hara ni i hamu angka dongan na nihaholongan, di na painte-intehon Ari i hamu, situtui hamu ma mangkarejohon anso ulang mardosa be hamu jana martihas di jolo ni Debata. Jana ulang so denggan pardomuanmunu tu Debata.

1 JOHANNES 2:29

Muda diboto hamu, na tigor do Ia, tangkas muse ma di hamu, barang ise na mambaen hatigoran, i do na tubu sian Ia.

1 JOHANNES 2:3

Muda dohot hita burju mangoloi angka parenta ni Debata, i ma paboahon na tutu tatanda Debata.

1 JOHANNES 3:7

Hamu angka dakdanakku, ulang ma padiar hamu adong halak na mangaliluhon hamu. Barang ise na mangkarejohon hatigoran, na tigor do i, dos songon Kristus na tigor i.