LUKAS 1:52 - BIBEL JAMITA NA DENGGAN

⁵² Dipaijur Ia angka raja sian juguhanna jana dipagincat Ia angka halak na bile.

LUKAS 1:52 Iomraidhean Croise

JEHESKIEL 17:24

Botoon ni sude bona ni hayu na di luat i ma bahaso Au do Tuhan. Hayu na gincat Hutaba hayu na toruk Hubaen tubu gumincat. Hayu na rata Hubaen maradu hiang; jana hayu na mahiang Hulehen tunas dohot bungana. Au Tuhan, madung mandok hata, sude na Hudok i angkon tarlaksana.”

AMOS 9:11

Didok Tuhan ma, “Dapot do i arina pasuangonKu na masa di halak Israel anso mulak gabe songon di hatiha ni Raja Daud mamarenta. Saonnari songon bagas na marumpak do halahi. Tapi padengganonKu mangulahi lopus gabe songon na salpu i.

MARKUS 6:3

Na he tukang hayu do Ia, i ma anak ni si Maria i? Angka si Jakobus, si Joses, si Judas dohot si Simon na he anggiNia do i? Jana nada he rap dohot hita do angka ibotoNia i?” Hara ni i ma umbaen na so ra halahi manjagit Ia.

LUKAS 14:11

Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

1 SAMUEL 2:4

Madung maponggol sior ni parporang tapi halak na gale mur marhagogoan.