LUKAS 1:45 - BIBEL JAMITA NA DENGGAN

⁴⁵ Martua ma ho, hara ni na porsaya ho angkon tulus do na nidok ni Tuhan i tu ho!”

LUKAS 1:45 Iomraidhean Croise

1 RAJA-RAJA 17:16

Boti songon na nidok ni Tuhan tu si Elia, anggo mangkuk i laing na torus ma i marisi topung jana botol i pe torus marisi miak.

2 RAJA-RAJA 4:5

Jadi mulak ma na mabalu i tu bagasnia. Dung masuk ia dohot dakdanaknia i, ditutup ma pintu; dibuat ia ma gunci na menek i na marisi miak zetun i, diusehon ia ma miak i tu bagasan gunci na nilehen ni anaknia i.

2 JUJUR TAON 20:20

Ancogotna i sogot sajo dope, ruar ma rayat i jana kehe ma halahi tu luat halongonan na di lambung ni Tekoa. Di na laho kehe halahi, jolo didok si Josafat ma sipaingot songon on, “Hamu angka rayat ni Juda dohot Jerusalem! Porsaya ma hamu tu Tuhan Debatamu, gabe margogo ma hamu martahan. Jagit hamu ma angka sipaingot sian panurirangmunu, gabe manjadi ma hamu!”

LUKAS 1:20

Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”

LUKAS 1:44

Disi hubege nangkin hata horas-horas na nidokmi, manigor manggulot ma dakdanak na di bagasan pamatangku hara ni mogana.

LUKAS 1:48

Angke diingot Ia do au, naposoNa na bile on! Mamungka saonnari sude ma halak mandokkon au na martua,

JOHANNES 11:40

Didok Jesus ma tu si Marta, “Na he madung Hudok tu ho: Anggo porsaya ho, idaonmu do hasangapan ni Debata!”

JOHANNES 20:29

Jadi didok Jesus ma tusia, “Hara ni na dung niidami dehe Au umbaen na porsaya ho? Martua ma sanga ise na porsaya tu Au haru so diidasa pe Au!”