LUKAS 1:3 - BIBEL JAMITA NA DENGGAN

³ Tapi saonnari, dibaen madung tangkas hupamanat sudena i sian mulana, gabe laing denggan ninna rohangku laho manyuratkon sada laporan na taratur di ho.

LUKAS 1:3 Iomraidhean Croise

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

PODA 22:21

jana na mangajarkon tu ho sanga aha na tutu. Sanoli on, muda disuru ho manangkasi, tarlehen ho ma alus na tumbuk.

PARJAMITA 12:9

Na pistar jana na marbisuk do Parhapistaran i. Hara ni i diajarkon ia tu jolma sude parbinotoan i. Bahat do poda diparsiajari ia, lalu diuji ia hatutuanna.

LUKAS 1:1

Ale Teofilus, na niparsangapan! Madung bahat nian angka dongan mangusahohon sadenggan-dengganna laho manyuratkon taringot tu angka na tarjadi di tonga-tonganta.

BAENON NI ANGKA RASUL 1:1

Teofilus na niparsangapan! Madung hupatorang di buku na parjolo sasudena na nikarejohon dohot na niajarkon ni Jesus mulai sian na mamungka Ia markarejo,

BAENON NI ANGKA RASUL 11:4

Jadi gabe dipatorang si Petrus ma tu halahi sudena na masa i sian mulana. Ning ia ma,

BAENON NI ANGKA RASUL 15:19

“Jadi anggo mangihutkon pandapotku, nada tola be arsahanta angka bangso na asing na so Jahudi i, na dung pauba rohana tu Debata.

BAENON NI ANGKA RASUL 15:25

Hara ni i gabe marrapot do hami jana saroha do sude mamili piga-piga halak mandapotkon hamu angka dongan. Ro ma halahi mandapotkon hamu rap dohot donganta si Paulus dohot si Barnabas na hami haholongi.

BAENON NI ANGKA RASUL 15:28

Madung tumbuk di roha ni Tondi Parbadia – jana i do na hami ihutkon anso ulang be nilehen boban na dumokdok sian boban na umporlu on:

BAENON NI ANGKA RASUL 18:23

Dung adong sanga sadia honok disi, kehe ma ia mangulahi manopot Luat Galatia dohot Prigia laho patoguhon roha ni angka na porsaya i.

BAENON NI ANGKA RASUL 23:26

“Na niparsangapan Gubernur Peliks. Tabe ma di hamu sian au Klaudius Lisias!

BAENON NI ANGKA RASUL 24:3

Mandok tarimakasi do hami hara ni sudena i jana marjop ni roha na sagodang-godangna do i dijagit sanga na di dia pe.

BAENON NI ANGKA RASUL 26:25

Tapi dialusi si Paulus ma, “Nada na rintik au, rajanami. Tutu do na hupardokkoni i. Sian pikiran na torang do i sude.

1 KORINTUS 16:12

Taringot tu donganta si Apollos, madung piga-piga noli husosoi ia anso ro mandapotkon hamu rap dohot angka dongan na asing i. Tapi nada haru tontu dope di bagasan rohania sanga na angkon kehe ia saonnari. Tapi haru songon i pe, anggo dung tarbaen ia do bagi andigan, tontu ro do ia.

1 KORINTUS 7:40

Tapi laing maruntungan dope ia muda inda marbagas mangulahi. Pandapotku sandiri do anggo i, tapi huhilala adong do Tondi Ni Debata di au.

1 TIMOTEUS 4:6

Muda diajarkon ho sudena i tu angka dongan na porsaya, gabe pangoloi na denggan ma ho markarejo di Jesus Kristus. Jana angkon pupuonmu do padenggan rohamu hombar tu Hata Ni Debata na tahaporsayai i dohot angka pangajaran na sintong na dung diihutkon ho sahonokna on.