LUKAS 1:20 - BIBEL JAMITA NA DENGGAN

²⁰ Sude na hudokkon on, pasti do angkon tarjadi muda dung dapot hatihana songon na dung ditontuhon Debata. Tapi hara ni na so porsaya ho, nada tarbaen ho be annon mangkatai. Torus noma ho ngungu lopus tu hatihana tulus sude na hupaboa i.”

LUKAS 1:20 Iomraidhean Croise

2 RAJA-RAJA 7:19

Jana topet di hatiha i pangawal ni raja i sandiri mandok, “Bia ma pambaen ni i! Inda tutu i, haru pe saonnari on diparo Tuhan udan potir sian langit!” Jadi dialusi si Elisa do, “Idaonmu do naron tarjadi, tapi anggo ho nada dohot mandai panganon i saotik pe.”

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

HARURUAR 4:11

Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

JESAYA 7:9

Samaria i ma kota sabungan ni Efraim, anak ni si Remalya ma rajana. Muda nada porsaya hamu, bagi na bia pe nada martahan hamu.”

JEHESKIEL 24:27

Laing di na sadari i tarbaen ho ma manghobari mangulahi jana nada ngungu be ho. Jadi manghobari ma ho dohot jolma i. Songon i ma pangalahona gabe tanda ma ho di halahi; jadi gabe botoon ni halahi ma Au do Tuhan.”

JEHESKIEL 3:26

BaenonKu ma jogal dilamu anso ulang tarbaen ho paingotkon bangso pangalo on.

DANIEL 10:15

Di na nidoknia songon i, unduk ma au jana nada malo mangkobari.

BILANGAN 20:12

Dung i mangkuling ma Tuhan tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

MARKUS 16:14

Ujungna dipataridahon Jesus ma diriNia tu angka siseanNia na sabolas halak i, hatiha mangan halahi. Digorahon Ia ma halahi hara ni na so pos i roha ni halahi dohot hara ni na so ra i halahi porsaya di na nidok ni angka na dung tangkas midaan, na tutu do Jesus mangolu.

MARKUS 9:19

Dung i didok Jesus ma tu halahi, “O hamu angka pomparan na so porsaya, angkon sadia honok nari Au rap dohot hamu? Intap ni andigan angkon sobar Au paida-ida hamu? Oban ma dakdanak i tuson!”

LUKAS 1:19

Dialusi surusuruan i ma, “Si Gabriel do au. Mangoloi Debata do karejongku. Ia do na marsuru au paboahon Jamita Na Denggan on tu ho.

LUKAS 1:21

Jadi laing tarpainte-inte ma halak i di si Zakaria. Homang ma halahi biasi songon i honokna ia di bagasan Bagas Ni Debata.

LUKAS 1:22

Jadi ujungna di na ruar ia, nada malo be ia mangkobari tu halahi. Dohot tangannia sajo noma ia mambaen tanda-tanda, jana laing ngungu. Gabe tarboto ma tu angka halahi na niidania do sanga aha parnidaan di bagasan Bagas Ni Debata.

LUKAS 1:45

Martua ma ho, hara ni na porsaya ho angkon tulus do na nidok ni Tuhan i tu ho!”

LUKAS 1:64

Laing di hatiha i manigor malo ma si Zakaria mangulahi mangkatai jana dipuji-puji ia ma Debata.

SURAT NI SI PAULUS TU PARLAGUTAN ROM 3:3

Tapi bia ma i, anggo adong do deba halak Jahudi na so setia? Sanga hara ni i ma he dalanna gabe nada setia Debata?

2 TIMOTEUS 2:13

Muda nada torus hita burju, laing tongtong do Ia burju, angke nada tarbaen Ia mamorso diriNia.”

TITUS 1:2

marguru tu arop ni roha di hangoluan na so mantak i. Harana na dung dijanjihon Debata hian do i dompak so dijadihon dope portibi on – jana nada tarbaen Debata margabus.

IBRANI 6:18

Dua pangalaho na so ra muba; nada margabus Debata di janji dohot sumpaNia! Hara ni i, hita angka na marlinggom tu Debata, adong do di hita jaminan na togu anso tongtong mararop ni roha tu na nipasingkop di hita di hatiha na giot ro.

HALUMBAAN 3:19

Sanga ise halak na Huhaholongi, i do na Humuruhi dohot na Husambok. Hara ni i, angkon marsitutu ma hamu jana pauba hamu ma rohamunu.