LUKAS 1:18 - BIBEL JAMITA NA DENGGAN

¹⁸ “Bia do parbinotongku taringot tusi bahaso na tutu do i tarjadi?” ning si Zakaria manyapai surusuruan i. “Ma matobang au, songon i muse dadaborungku na dung matobang muse do.”

LUKAS 1:18 Iomraidhean Croise

PAMUNGKAAN 15:8

Tapi disapai si Abram ma, “Iale Tuhan Debata, bia ma hubaen mamboto paboa na giot au nampuna tano i?”

PAMUNGKAAN 17:17

Gabe manungkap ma si Abraham, tapi mikim do ia di na nipikirnia, “Mungkin do lakna sada halaklahi na marumur saratus taon mardakdanak? Mungkin dope ulaning adong anak ni si Sara na marumur sambilan pulu taon i?”

PAMUNGKAAN 18:12

Jadi gabe martata ma si Sara di bagasan rohania, didok ia ma, “Saonnari dung matobang au boti madung markerut, adong dope luai jop ni roha di au rap dohot halaklahingku boti na dung matobang?”

2 RAJA-RAJA 7:2

Dialusi pangawal ni raja i ma, “Sian dia ma tarbaen i. Nada tutu i, haru pe sugari diparo Tuhan udan potir saonnari sian langit!” “Idaonmunu do i annon tarjadi, tapi anggo ho nada daionmu saotik pe sipanganon i,” ning si Elisa.

JESAYA 38:22

Dompak i didok si Hiskia ma: “Aha ma he na gabe tanda, bahaso na giot kehe au tu Bagas Ni Tuhan?”

LUKAS 1:34

“Bia ma tarjadi ni i, salangkan au bujing-bujing dope?” ning si Maria tu surusuruan i.

LUKAS 1:7

Nada mardakdanak halahi angke na so maruntungan do si Elisabet, boti rap matobang do halahi.

SURAT NI SI PAULUS TU PARLAGUTAN ROM 4:19

Nada gabe gale haporsayaannia, haru pe diboto ia bahaso madung mansai gale pamatangnia, angke madung saratus taon ne ma umurna; jana bortian ni si Sara pe madung tartutup.