LUKAS 1:16 - BIBEL JAMITA NA DENGGAN

¹⁶ Toguonnia do bahat halak Israel anso mulak tu Debata, Tuhan ni halahi.

LUKAS 1:16 Iomraidhean Croise

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

DANIEL 12:3

Marsinondang be ma songon sinondang ni langit angka pamimpin na marbisuk i. Jana halahi na dung mangajari halak na bahat laho mambaen sanga aha na denggan dohot na tigor, marsinondang ma halahi songon angka bintang i salolot-lolotna.”

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MATEUS 21:32

Haru madung ro si Johannes Pandidi paboahon dalan na tutu tu hamu, hape nada ra hamu manghaporsayai na nidoknia. Hape anggo angka sijagit pajak dohot angka anak boru siparkarosuan, ma pola porsaya disia. Haru pe na dung diida hamu sudena i, hape laing so dipauba hamu dope rohamunu manghaporsayai ia.”

LUKAS 1:76

O, ale anakku, goaron ma ho panurirang ni Debata Na Gumincat i. Jumolo do ho disuru Tuhan giot manastas dalan sibolusonNia.

LUKAS 3:3

Si Johannes pe kehe ma mandalani sude angka luat na di Batang aek Jordan pabolkaskon barita na sian Debata disi. Didok si Johannes ma, “Pauba hamu ma rohamunu sian angka dosamunu, jana lehen ma dirimu nididi anso disesa Debata hamu.”