LUKAS 1:15 - BIBEL JAMITA NA DENGGAN

¹⁵ Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

LUKAS 1:15 Iomraidhean Croise

PAMUNGKAAN 12:2

Hulehen pe bahat di ho pomparanmu jana gabe bangso na godang ma halahi. Hupasupasu pe ho jana tarbonggal pe goarmu Hubaen, lopus gabe pasupasu ho di halak na bahat.

PAMUNGKAAN 48:19

Dijua amangnia i do i, didok ma, “Huboto do da i amang, huboto do. Pomparan ni si Manase pe gabe bangso na godang do. Tapi laing gumodang dope kuaso ni angginia i ulang ia, jana pomparan ni angginia i gabe angka bangso na godang do.”

1 JUJUR TAON 17:8

Madung Huurupi ho sanga na tu dia pe ho kehe jana sude musumu madung Hupatimpas dompak di parporanganmu. BaenonKu ma ho tarbonggal songon angka pamimpin na gumodang di tano on.

1 JUJUR TAON 29:12

Sian Ho do haroroan ni sasude hamoraan dohot hasonangan; dirajai Ho do sasudena mardongan hagogoonMu dohot kuasoMu; guru di Ho do mambaen sanga ise gabe halak na godang dohot na gogo.

MASMUR 22:9

Ho do na paruar au sian bortian, sian na menek dope au dijago Ho anso sonang.

JEREMIA 1:5

“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”

JEREMIA 35:6

Tapi dialusi halahi ma, “Nada hami inum anggur. Diorai ompunami si Jonadab anak ni si Rekhab do hami dohot pomparannami minum anggur. Salolot-lolotna do marlaku larangan i.

HAMALIMON 10:9

“Dung salpu minum aek ni anggur sanga bir, dohot angka anakmu nada tola masuk tu Bandar Parmianan i. Muda dilaosi hamu aturan i angkon mate hamu. Sude pomparanmu angkon mangoloi aturan on.

ZAKARIA 9:15

Ondihonon ni Tuhan Na Markuaso i ma halahi, jana pangabison huhut dege-degeon ni halahi ma angka alona. Giot inumon ni halahi ma mudar songon na minum anggur. Lopus gok songon bokor panyiram songon parsuhi ni langgatan.

LUKAS 1:14

Gabe jop sajo ma rohamu boti halak pe bahat do na marjop ni roha muda dung sorang dakdanak i sanoli on!

LUKAS 7:28

“Ingot hamu ma on, sian sude halak na jungada mangolu di tano on, nada adong be na gumodang sian si Johannes Pandidi. Tapi halak na ummenek di bagasan Harajaan Ni Debata, gumodangan dope i sian si Johannes Pandidi.”

LUKAS 7:33

Ro ma si Johannes Pandidi – ia ma na puaso – jana na so minum anggur – hape didok hamu, ‘Na nisonggopan ni Sibolis do ia!’

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

BAENON NI ANGKA RASUL 2:4

Jadi digohi Tondi Parbadia ma halahi sude jana mamungka ma halahi mangkatai di hata na asing na marragam-ragam. Mangkatai ma halahi hombar tu hata na nilehen ni Tondi i dokkonon ni halahi.

GALATIA 1:15

Tapi hara ni denggan ni roha ni Debata, dipili Ia do au dompak so sorang jana dipiohon Ia do au laho mangoloi Ia.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

JOSUA 3:7

Didok Tuhan ma tu si Josua, “Mamungka sadari on baenonKu ma ho gabe halak na godang jabat sude halak Israel pasangap ho jana botoon ni halahi ma bahaso na Hudongani do ho songon pandonganingKu di si Musa.

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.