LUKAS 1:13 - BIBEL JAMITA NA DENGGAN

¹³ Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:13 Iomraidhean Croise

PAMUNGKAAN 17:10

Angkon ra do ho dohot pomparanmu sudena pasunatkon ganop anak halaklahi na adong di hamu.

PAMUNGKAAN 17:19

Tapi didok Debata ma, “Nada ale. Tubuhonon ni si Sara ripemi do anak halaklahi, jana baen ma goarna si Ishak. Torus do tioponKu parjanjianKu tu dakdanak i dohot tu pomparanmu salolot-lolotna.

PAMUNGKAAN 18:14

Adong ma he pangalaho bagi aha na maol di Tuhan lakna? Di hatiha na dung ditontuhon, giot mulak ro Au mandapotkon ho di taon na ro, jana adong ma anak di si Sara.”

PAMUNGKAAN 25:21

Dibaen nada maruntungan si Ribka, martangiang ma si Ishak tu Tuhan salaho tu dongan saripenia i. Jana dipatalus Tuhan do tangiang ni si Ishak i, jana denggan ma pamatang ni si Ribka.

MASMUR 113:9

Tu ina na so maruntungan dilehen Ia dakdanak, dibaen Ia do i gabe ina na martua. Puji ma Tuhan!

MASMUR 118:21

Hupuji do Ho Tuhan, dibaen madung dioloi Ho tangiangku; madung dilehen Ho hamonangan di au.

JESAYA 8:3

Dung adong sadia honok denggan ma pamatang ni dadaborungku. Di na sorang anaknami, didok Tuhan ma tu au, “Baen ma goarna ‘Maher-Salal dohot Has-Bas.’

DANIEL 10:12

Jadi didok ia ma tu au, “Daniel, ulang ho mabiar. Madung ditangihon Debata tangiangmi mamungka sian ari parjolo disi diputuskon ho patoruk rohamu anso gabe marbisuk. Madung ro au gabe songon alus ni tangiangmi.

HOSEA 1:4

Dung i didok Tuhan ma tu si Hosea, “Baen ma goar ni anakmi si Jisreel, angke nada sadia honok nari be uhumanKu ma pomparan ni si Jehu hara ni mudar na diduruskon di Jisreel, jana paujungonKu ma pangarajaion ni halak Israel.

HOSEA 1:6

Dung i denggan ma muse pamatang ni dadaboru i jana manubuhon sada dakdanak dadaboru. Didok Tuhan ma tu si Hosea, “Baen ma goar ni borumi si Lo-Ruhama, angke nada holong be rohangKu mida bangso Israel, jana nada ampunanKu be halahi.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MATEUS 14:27

Tapi manigor digora Jesus ma mangalusi, “Pasonang hamu ma! Au do i. Ulang mabiar hamu!”

MATEUS 28:5

Didok surusuruan i ma tu angka dadaboru i, “Ulang hamu mabiar! Huboto do na manjalahi Jesus na diparsilangkon i do hamu.

MARKUS 16:6

Didok doli-doli i ma, “Ulang mabiar hamu! Huboto do na manjalahi Jesus halak Nasaret na diparsilangkon i do hamu. Inda dison be Ia. Madung dipangolu Ia mangulahi! Ligi hamu ma, disindi hian do bangkeNia dipayakkon.

LUKAS 1:14

Gabe jop sajo ma rohamu boti halak pe bahat do na marjop ni roha muda dung sorang dakdanak i sanoli on!

LUKAS 1:30

Dung i didok surusuruan i ma tusia, “O, Maria, ulang ho mabiar dibaen jop do roha ni Debata mida ho.

LUKAS 2:21

Dung marumur salapan ari, angkon nisunat ma Dakdanak i. Dibaen halahi ma goarNia Jesus, i ma goar na nilehen ni surusuruan tuSia dompak so di kandungan dope Ia.

BAENON NI ANGKA RASUL 10:31

Didok ia ma, ‘Kornelius! Madung dijagit Debata tangiangmi jana diingot Ia do denggan ni rohamu.

HAKIM-HAKIM 6:23

Tapi didok Tuhan ma tusia, “Horas ma da ho! Ulang ho mabiar. Nada jabat mate ho.”

1 SAMUEL 2:21

Dipasupasu Debata do si Hanna, gabe sorang ma muse tolu anaknia halaklahi dohot dua anak dadaboru. Si Samuel pe mur magodang ma di jolo ni Debata.