JUNUS 2:2 - BIBEL JAMITA NA DENGGAN

² “Ale Tuhan, pio-pio do au tu Ho di bagasan hasusaanku jana dialusi Ho do au. Sian inganan ni jolma na mate mangido partolongan au, ditangihon Ho do pangidoanku jana diparrohahon Ho.

JUNUS 2:2 Iomraidhean Croise

2 JUJUR TAON 33:12

Di bagasan pardangolannia i dipatoruk ia ma rohania tu Tuhan Debatania jana martangiang ma ia mangido pangurupionna.

MASMUR 116:3

Dirongomi parmaraan godang au, humasusa jana mabiar au pambaen ni jorbut ni hamatean.

MASMUR 120:1

Di bagasan hasusaanku pio-pio au tu Ho Tuhan, jana dialusi Ho do au.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 22:24

Angke nada dipadiar Ia halak na niparkancitan, jana nada nayang rohaNia di pardangolanna. Nada dihudukkon Ia halahi, tapi mangalusi do Ia muda pio-pio halahi tuSia.

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

MASMUR 4:1

Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

MASMUR 61:2

Di na mandele au, dao sian bagas, mangguk-angguk do au tu adopanMu. Taruhon ma au tu pangungsian na sonang,

MASMUR 65:2

Ho do na manangihon tangiang; ro do sude halak tu Ho hara ni na dung mardosa.

MASMUR 86:13

Hara ni godangna holong ni rohaMu na manongtong i di au, madung dipalua Ho au sian liang ni kuburan.

JESAYA 14:9

Madung rade hamatean laho manyambut manjaluangi raja ni Babel i. Gabe tarsunggul ma sumangot ni angka halak na markuaso narobi di tano on, dohot sumangot ni angka raja marjongjongan ma sian habangsa ni halahi.

ANDUNG 3:55

Ale Tuhan, pio-pio do au tu Ho, sian tandolan ni sumur na bagas i.

JEHESKIEL 26:20

Dung i Hutongos ma ho tu inganan ni na mate anso mardomu ho disi dohot jolma na sian sinarobian. Hupadiar ho manongtong di inganan ni jolma na mate i, di tonga-tonga ni hasesego na mamanjang, rap dohot halak na mate i. Gabe nada siinganan be tanomi, jana nada goaron be ho di tonga-tonga ni jolma na mangolu.

JEHESKIEL 31:14

Tarjadi pe sudena i anso ulang marginjang ni roha do angka hayu na tubu di topi ni batang aek, ulang ma dipatimbo dirina lalu tu langit jana ulang ma sai marginjang ni roha. Angke sudena i madung dipasahat tu hamatean di toru ni tano rap dohot angka jolma na dung mate.”

MATEUS 12:40

Tolu ari tolu borngin Panurirang Junus di bagasan butuha ni ihan na godang i. Songon i muse ma Anak Ni Jolma i, di bagasan tano.

LUKAS 11:10

Angke sai manjagit do sude halak na mangido; dapotan do halak na manjalahi, jana ungkapon do pintu di na manektek pintu.

LUKAS 22:44

Mabiar situtu do Jesus, gabe mur marsitutu ma Ia na martangiang i. Songon mudar noma hodokNia manetehi tu tano i.]

BAENON NI ANGKA RASUL 2:27

angke nada dipadiar Ho au di inganan ni halak na mate jana nada dipadiar Ho na badiaMi marnida habusuhon i.

IBRANI 5:7

Hatiha di ngolu ni Jesus di tano on, mangangguk godang do Ia tangis martangiang dohot pasahatkon angka pangidoanNia tu Debata, na margogo paluahon Ia sian hamatean. Boti hara ni na mangoloi Ia tu Debata mardongan sangap na gok, gabe ditangihon Debata do pangidoanNia i.

1 SAMUEL 1:16

Ulang antong dietong au dadaboru na so hasaya. Hara ni marsak ni rohangku do dibaen na martangiang au songon on.”

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.