JUNUS 1:3 - BIBEL JAMITA NA DENGGAN

³ Hape adop dalan na asing do kehe si Junus laho padaohon dirina sian Tuhan i. Kehe ia tu Jafo, jana didapot ia muse antong disi kapal na giot marlayar tu Tarsis. Dung digarar ia ongkosnia, manaek ma ia tu kapal i lalu marlayar ma ia dohot parkapal i tu Tarsis laho mandao sian Tuhan.

JUNUS 1:3 Iomraidhean Croise

PAMUNGKAAN 3:8

Marayak potang ari dibege halahi ma Tuhan Debata mardalan di kobun i, gabe martabuni ma halahi di holang-holang ni angka hayu i anso ulang diida Tuhan Debata halahi.

PAMUNGKAAN 4:16

Jadi morot ma si Kain sian jolo ni Tuhan jana maringanan ma ia di tano na margoar “Nod” di Habincaran ni Eden.

1 RAJA-RAJA 19:3

Gabe mabiar ma si Elia, jadi maporus ma ia anso ulang hona bunu. Kehe ma ia tu Berseba di Juda rap dohot naposonia i. Disi ma ditadingkon ia naposonia i,

1 RAJA-RAJA 19:9

Marborngin di sada liang ma ia disi. Jadi didok Tuhan ma tusia, “Aha dehe karejomu dison Elia?”

2 JUJUR TAON 2:15

Hami painte ma tongosan ni tuan i, i ma gandum, burir-burir, anggur dohot miak zetun na nijanjihon ni tuan i.

2 JUJUR TAON 2:16

Tabaannami ma hayu sampinur sian partoran Libanon sanga na sadia bahat na porlu di tuan i, jana tambatannami ma i gabe rakit, jana niayup sian laut lopus tu Jope. Sian i bolas ma angkuton ni tuan i tu Jerusalem.”

2 JUJUR TAON 9:21

Bahat do kapal ni si Salomo na godang-godang na marlayar di laut bidang rap dohot angka kapal ni Raja Hiram. Sanoli tolu taon mulak do kapal i maroban sere, perak, gading, kerek dohot angka unggas merak.

ESRA 3:7

Disumbangkon rayat i ma hepeng laho mangupai tukang batu dohot tukang hayu. Ditongoskon halahi muse do sipanganon, inumon dohot miak zetun tu kota Tirus dohot Sidon laho martukar dohot hayu sampinur Libanon sian angka kota i. Dioban ma hayu i tu Jopa mamolus laut. Sian isin ni si Kores, raja ni Persia i do dikarejohon rayat i sudena i.

JOB 1:12

Gabe didok Tuhan ma tu Sibolis, “Antong, baen ma sanga aha tu sasude sinadongan ni si Job, asal ma ulang diparhanciti ho ia!” Bulus kehe ma Sibolis sian jolo ni Tuhan.

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

MASMUR 107:23

Adong muse ma i na markapal manaripari laut, manjalahi hangoluan marhite boniaga tu laut na bidang.

JESAYA 2:16

Bonomkonon ma angka kapal na gumodang-godang dohot na jumeges-jeges sian Tarsis.

JESAYA 23:1

On ma alatan taringot tu Tirus: Mangandungi ma hamu, ale angka parlaut ni Tirus na mamolusi laut bidang jana na topet marlayar sian Siprus! Harana madung dironcohon Tirus, kota labuanmunu i; angka bagas dohot labuanmunu i madung gabe tinggal na sego.

JESAYA 23:10

Karejohon hamu ma ladangmunu, ale hamu halak Spanyol, harana nada adong be labuan.

JESAYA 23:6

Mangandungi ma hamu panduduk ni Penisia, kehe ma hamu monjap tu Spanyol.

JESAYA 60:9

I ma da angka kapal na marlabu sian Tartis maroban bangso ni Debata mulak sian luat na dao. Sere dohot perak laing diobansa, laho mamuji Tuhan Debata; di Debata ni Israel na umbadia, na mambaen bangsoNia dapotan sangap.

JEREMIA 10:9

Dilampis perak ma i dohot sere na dioban sian Spanyol dohot sian kota Ufas, sudena i karejo ni tangan ni halak na malo. Pakeanna sian abit na bunga torung na tobang dohot na poso na nikarejohon ni angka partonun na malo.

JEHESKIEL 2:8

“Ale jolma parsantongkinan, tangihon ma sanga aha na Hudok tu ho. Ulang dohot muse ho mangalo. Pangangang ma pamanganmi, jana pangan ma sanga aha na Hulehen di ho.”

JEHESKIEL 27:12

Digadisi ho ma angka barang-barang boniagamu na marlobi-lobi i, jana gararna dijagiti ho ma perak, bosi, simbora na bontar dohot na lomlom.

JEHESKIEL 3:14

Sun ma gogona didapotkon kuaso ni Tuhan i au jana taran na diangkatNa i au lalu dioban tondiNa i, paet jana milas ma huhilala ate-atengku.

JUNUS 1:10

Dung i dicaritohon ia ma sanga songon dia pargilonia sian Tuhan. Umbege i mabiar situtu ma halahi, jana didok halahi ma tusia, “Aha dehe na dung dikarejohonmon?” – angke diboto halahi do bahaso na gilo do si Junus, mandao sian jolo ni Tuhan.

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.

LUKAS 9:62

Tapi didok Jesus ma: “Halak na mangaluku, tapi huhut mangaligi tu pudi nada patut ia tu Harajaan Ni Debata.”

BAENON NI ANGKA RASUL 15:38

hape nada tumbuk be tu roha ni si Paulus padohot si Markus, hara ni na so ra ia rap markarejo dohot halahi di na nitadingkonnia halahi di Pamfilia, na salpu i.

BAENON NI ANGKA RASUL 26:19

“Jadi rajanami, Raja Agrippa, huhaburjuhon do tongtong laho mangoloi parnidaan na hujagit i sian Debata.

BAENON NI ANGKA RASUL 9:36

Di Jope adong muse do sada anak boru na margoar si Tabita, na porsaya do ia tu Jesus. (Si Dorkas do goarnia di hata Junani, astuanna ursa.) Sai didatdati ia do mambaen na denggan jana sai diurupi ia do angka halak na pogos.

BAENON NI ANGKA RASUL 9:38

Nada pola sadia dao dope Jope sian Lida. Jadi dung dibege angka sisean ni Jesus na di Jope, na topet do si Petrus di Lida, disuruhon halahi ma dua halak mandapotkon si Petrus marhite pangidoan, “Patibu ma ro tu inganannami.”

BAENON NI ANGKA RASUL 9:42

Sar ma barita i di kota Jope, bahat muse ma halak gabe porsaya tu Tuhan.

BAENON NI ANGKA RASUL 9:43

Laing disi ma si Petrus sanga na piga-piga ari nari, di bagas ni tukang kulit na margoar si Simon.

1 KORINTUS 9:16

Angke, sugari hum hara ni na manjamitahon Jamita Na Denggan na sian Debata i sajo do, nada tola au pagodang diri, harana karejongku do i. Marjaya do au muda nada hujamitahon Jamita Na Denggan i!

2 TESSALONIKA 1:9

Uhumon ma halahi tu hamagoan na salolot-lolotna, dao sian adopan ni Tuhan i bope sian hasangapan ni hagogoanNia.

JOSUA 19:46

Meyarkon, Rakon, songon i luat na humaliang Jope.