JOSUA 9:9 - BIBEL JAMITA NA DENGGAN

⁹ Jadi dicaritohon halahi ma tu si Josua songon on, “Na sian luat na dao situtu do hami ro, tuan, dibaen madung hami bege taringot tu Tuhan Debata na nisombamunu tuannami. Madung hami bege taringot tu sude na nibaenNia di Mesir.

JOSUA 9:9 Iomraidhean Croise

1 RAJA-RAJA 8:41

“Muda adong sada halak na leban na maringanan di luat na asing umbege taringot tu hagodanganMu dohot taringot tu angka hahomangan na dung nibaenMu tu bangsoMu gabe ro ia tu luat on laho pasangap Ho, jana martangiang adop bagas on,

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

MASMUR 148:13

Denggan do pujion ni halak goar ni Tuhan, dibaen gumodang do goar i sian sandok goar. HamuliaonNa gumincat sian tano dohot langit.

MASMUR 72:19

Tarpuji ma goarNia na godang i sapanjangna; sai gok ma tano on dohot hamuliaanNia! Sai tulus ma songon i! Amen!

MASMUR 78:12

Di jolo ni angka ompu ni halahi, dibaen Debata hahomangan di Luat Mesir, di napa Zoan.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

HARURUAR 15:14

Madung dibege angka bangso, jana humitir be halahi mabiar, halak Pilistin pe gabe manyogar.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

JESAYA 55:5

Satutuna, pioonmu ma angka bangso na so nitandamu, jana bangso na so tumanda ho marlojong mandapotkon ho, hara ni Tuhan, Debatamu, jana hara ni na Sun Badia Debata ni Israel, na pasangapkon ho.”

JESAYA 66:19

jana botoon ni halahi ma Au do na manguhumi halahi. Tapi adong do saotik sian halahi na giot paluaonKu. SuruonKu ma halahi mandapotkon angka bangso di luat angka na dao na so jungada dope umbege salaho tu Au sanga marnida hagodangan dohot kuasongKu: Tu Spanyol, Libia, tu Lidia mardongan angka parsior na malo, tu Tubal dohot Junani. Baritahonon ni halahi ma hagodanganKu di tonga-tonga ni angka bangso i.

BILANGAN 14:15

Muda bunuonMu sude halak on, sude angka bangso na dung umbege hasurunganMi mandok,

BILANGAN 20:14

Disuru si Musa ma angka suruanna sian Kades manopot raja ni Edom. Ninna halahi ma, “On ma barita na hami oban sian halak Israel kahanggi ni raja i. Diboto raja i do angka hasusaan na hami taon.

BAENON NI ANGKA RASUL 8:7

Harana marruaran ma angka tondi na jahat sian bahat halak, mangangguhi marsora na gogo. Halak na onyangon pe dohot na matimpang laing bahat do na dipamalumsa.

PANGARATAION 20:11

Anggo dibuka halahi do antong angka pintu horbangan jana tunduk halahi, angkon gabe hatobanmunu ma halahi sude jana marrodi ma halahi di hamu.

PANGARATAION 20:15

Angkon songon i ma baenonmunu maradopkon angka kota na dao sian tano na giot siingananmunu i dohot kota na so tarmasuk tu kota ni angka bangso na dison.

JOSUA 9:10

Bope sanga aha na nibaenNia tu sidua halak raja ni halak Amori di Habincaran ni Jordan, si Sihon raja ni Hesbon dohot si Og raja ni Basan na maringanan di Astarot.

JOSUA 9:16

Tolu ari dung dibaen parjanjian i, baru pe anso tarboto bahaso na so sadia dao do angka jolma i tinggal sian inganan ni halak Israel.

JOSUA 9:17

Jadi kehe ma halak Israel tu luat ni halahi i, i ma kota Gibeon, Kefira, Beerot dohot Kiryat-Jearim.

JOSUA 9:24

Dialusi halahi ma, “Hami baen pe songon i tuannami, hara ni na dung hami bege do bahaso na dung disuru ni Tuhan Debatamunu do si Musa, naposoNia i, mangalehen tu hamu sude luat on dohot mamunu sude jolma na tinggal di angka inganan na nidapotkonmunu. Jadi gabe mabiar situtu hami tu hamu; mabiar hami hona bunu, i ma dalanna umbaen na hami baen sudena on.