JOSUA 9:8 - BIBEL JAMITA NA DENGGAN

⁸ Didok halahi ma, “Na rade do hami patuluskon sanga aha pe na nihagiotanmunu.” “Ise dehe hamu? Jana na sian luat dia do hamu?” ning si Josua manyapai halahi.

JOSUA 9:8 Iomraidhean Croise

2 RAJA-RAJA 10:5

Jadi gabe martona ma kapala ni bagas ni raja dohot walikota rap dohot angka pangituai ni masarakat dohot angka na mangampu anak dohot pahompu ni si Ahab i tu si Jehu songon on, “Unduk do hami tu tuan i jana ra do hami patupahon sanga na aha sajo pe na niparentahon ni tuan i tu hami. Nada baenonnami sanga ise gabe raja. Dibaen tuan i ma sanga aha na denggan didok roha ni tuan i.”

PANGARATAION 20:11

Anggo dibuka halahi do antong angka pintu horbangan jana tunduk halahi, angkon gabe hatobanmunu ma halahi sude jana marrodi ma halahi di hamu.

JOSUA 10:6

Dipalalu halak Gibeon ma barita on tu si Josua di parbandaran na di Gilgal, “Urupi ma hami tuannami, palua ma hami! Ulang padiar hami! Ro ma tuan i mangurupi hami. Dibaen madung mardomu tentara ni sude angka raja ni Amori na di luat pardolohan mangalo hami!”

JOSUA 9:11

Na nisuruhon ni angka pamimpin dohot sude na maringanan di luatnami do hami paradehon bohal jana mardalanan laho mandapotkon hamu tuannami. Disuru do hami laho mangoloi hagiotmunu tuannami jana mangido tu hamu mambaen parjanjian dohot hami.

JOSUA 9:23

Hara ni na songon i pambaenanmunu, hona uhum ni Debata ma hamu. Tongtong noma bangsomunu gabe hatoban sitaha soban dohot sialap aek baen sipakeon di Bagas Ni Debatangku.”

JOSUA 9:25

Saonnari di bagasan kuasomunu noma hami. Dibaen tuan i ma sanga aha na denggan mangihutkon roha ni tuan i.”

JOSUA 9:27

Tapi tamba ni i, dibaen ia ma halahi gabe hatoban partaha soban dohot sialap aek baen di halak Israel dohot sipakeon di langgatan ni Tuhan. Lopus saonnari pe laing dikarejohon halahi do karejo i di inganan paribadatan na nitontuhon ni Tuhan.