JOSUA 9:5 - BIBEL JAMITA NA DENGGAN

⁵ Dung i dipake halahi ma pakean na masibak-sibak dohot sipatu sandal na dung lolot na didungkap-dungkapan. Roti na nioban ni halahi pe baen balanjo, roti na mahiang do jana na lapuhon.

JOSUA 9:5 Iomraidhean Croise

LUKAS 15:22

Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

PANGARATAION 29:5

Opat pulu taon lolotna dipimpin Tuhan hamu di parhorsihan, hapengani nada mumut pakean dohot sandalmunu.

PANGARATAION 33:25

Angka hutana pe dijagoi pintu bosi anso mangolu ia di bagasan dame humani.”

JOSUA 9:12

Ligi hamu ma roti, bohalnami on! Milas dope roti on dompak na kehe hami sian bagas laho mandapotkon hamu tuannami. Hape saonnari, ligi hamu ma! Ma pola mahiang jana lapuhon.

JOSUA 9:13

Jana angka kantongan ni anggur on pe na imbaru do dompak hami isi, hape saonnari, ligi hamu ma! Ma pola maribak-ribak. Pakeannami dohot sipatu sandalnami pe ma pola masego hara ni dao ni pardalanannami.”

JOSUA 9:4

Diputuskon halahi ma laho mamake tipu akal maradopkon si Josua. Kehe ma halahi mambuat sipanganon, jana dibobani halahi ma angka halode ni halahi dohot harung angka na dung buruk, dohot angka kantongan ni anggur na buruk-buruk na nibaen sian bobak.

JOSUA 9:6

Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”