JOSUA 9:4 - BIBEL JAMITA NA DENGGAN

⁴ Diputuskon halahi ma laho mamake tipu akal maradopkon si Josua. Kehe ma halahi mambuat sipanganon, jana dibobani halahi ma angka halode ni halahi dohot harung angka na dung buruk, dohot angka kantongan ni anggur na buruk-buruk na nibaen sian bobak.

JOSUA 9:4 Iomraidhean Croise

PAMUNGKAAN 34:13

Hara ni na dung disego-sego ni si Sikem habujingon ni si Dina i, gabe margabus ma angka dakdanak ni si Jakob i tu si Sikem dohot tu si Hemor amangna i.

MASMUR 119:83

Markerut huling-kulingku songon inganan ni anggur na buruk, tapi anggo hatontuan na nibaenMu nada huhalupahon.

MATEUS 10:16

“Parrohahon hamu ma na Hudok on! Husuru do hamu songon biri-biri tu tonga-tonga ni sorigala. Jadi angkon manat do hamu songon ulok tapi ias ma rohamunu songon darapati.

MATEUS 9:17

Songon i muse do, nada adong halak na mangusehon anggur na imbaru tu inganan na buruk harana gabe masibak do inganan na buruk i, gabe sabur anggur i. Boti ingananna i pe gabe sego. Muda anggur na imbaru angkon tu inganan na imbaru do i baenon. Anso rap jeges dua-duana.”

MARKUS 2:22

Laing songon i muse do, nada diusehon halak anggur na imbaru tu inganan na buruk. Muda dibaen songon i, puntarkonon ni anggur i do ingananna i. Ujungna gabe dua-dua rap so marguna. Anggo anggur na imbaru angkon tu inganan ni anggur na imbaru do baenon.”

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”

JOSUA 9:12

Ligi hamu ma roti, bohalnami on! Milas dope roti on dompak na kehe hami sian bagas laho mandapotkon hamu tuannami. Hape saonnari, ligi hamu ma! Ma pola mahiang jana lapuhon.

JOSUA 9:13

Jana angka kantongan ni anggur on pe na imbaru do dompak hami isi, hape saonnari, ligi hamu ma! Ma pola maribak-ribak. Pakeannami dohot sipatu sandalnami pe ma pola masego hara ni dao ni pardalanannami.”

JOSUA 9:3

Tapi anggo angka halak Gibeon na sian bangso Hewi, madung dibege halahi taringot tu na nibaen ni si Josua maradopkon Jeriko dohot Ai.

JOSUA 9:5

Dung i dipake halahi ma pakean na masibak-sibak dohot sipatu sandal na dung lolot na didungkap-dungkapan. Roti na nioban ni halahi pe baen balanjo, roti na mahiang do jana na lapuhon.