JOSUA 9:1 - BIBEL JAMITA NA DENGGAN

¹ Lalu do angka barita salaho tu hamonangan ni Israel tu sude angka raja na di sabola Hasundutan ni Jordan – na di bagian pardolok, na di pat ni dolok dohot na di napa na hornop sapanjang topi ni Laut Tonga lopus tu parbalohan ni Libanon di Utara, i ma angka raja Het, angka raja Amori, Kanaan, Peris, Hewi dohot Jebus.

JOSUA 9:1 Iomraidhean Croise

2 SAMUEL 24:7

Dung i kehe ma halahi tu Selatan, tu Tirus kota na marbenteng i. Torus ma halahi kehe tu sude kota ni halak Hewi dohot halak Kanaan, jana ujungna tu Berseba, na di bagian Selatan ni Juda.

HARURUAR 23:23

Joloanan ni surusuruanKi ma hamu jana obanonnia hamu tu luat ni halak Amori, halak Het, halak Peris, halak Kanaan, halak Hewi dohot halak Jebus, jana haromkononKu ma halahi sude.

HARURUAR 23:31

Hupabidang pe batas ni tanomunu mamungka sian Solok Akaba lalu tu Batang aek Efrat jana sian Laut Tonga lopus tu halongonan parhorsihan. Hulehen pe kuaso di hamu maradopkon halak luat i humani di na maju hamu mangarampas tano i, paorotonmunu ma halak na manginganisa.

HARURUAR 3:17

Madung Huputuskon di rohangKu laho maroban halahi ruar sian Mesir, inganan ni halahi diparkanciti, jana taruhononKu ma halahi tu luat na mora bope na napu – luat ni halak Kanaan, Het, Amori, Peris, Hewi dohot Jebus.

HARURUAR 34:11

Tapi anggo ho angkon marsitiopan tu na Huparentahon tu ho sadari on. Ligi ma angkon Huayak halak Amori sian jolomu, songon i halak Kanaan, halak Het, halak Peris, halak Hewi dohot halak Jebus.

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

BILANGAN 34:6

Laut Tonga do parbalohan ni luatmunu sabola sian Hasundutan.

PANGARATAION 1:7

Antong rorak hamu ma bandarmunu i jana kehe ma hamu tu tano ni halak Amori na mardolok-dolok i dohot tu sude luat na humaliangna i – tu Rura Jordan, tu tano na martor dohot tu tano napa na toruk, tu Luat Selatan dohot tu topi ni Laut Tonga. Kehe ma hamu tu tano Kanaan, manyalpui partoran Libanon lopus tu aek na godang Efrat.

PANGARATAION 3:25

Patola ma au manaripari Batang aek Jordan ale Tuhan, laho mangaligi tano na napu na di bariba an, tano partoran na jeges dohot tano Libanon.’

PANGARATAION 4:49

Laing masuk tu luat i do tano na di Habincaran ni Batang aek Jordan tu Selatan lalu tu Laut Mate, dohot tu Habincaran lalu tu pangkal ni Dolok Pisga.

PANGARATAION 7:1

“Giot obanon ni Tuhan Debatamu ma ho tu tano siingananmu jana paorotonNia ma bahat bangso sian i. Di jolo ni matamu ayahonNia ma pitu bangso na gumodang jana na gumogo sian ho: Halak Het, Girgasi, Amori, Kanaan, Peris, Hewi dohot Jebus.

JOSUA 1:15

lopus sidung diingani halahi luat na di Hasundutan ni Batang aek Jordan on na dung dilehen Tuhan Debatamunu di halahi. Dung tumbuk di roha ni Tuhan paloaskon sude bangso Israel mangolu marsonang-sonang, baru ma anso tola mulak angka parporangmunu i mangulahi tu tanomunu sandiri di sabola Habincaran ni Jordan on, i ma na nilehen ni si Musa naposo ni Tuhan i tu hamu.”

JOSUA 1:4

Gistang ma tanomunu i mamungka sian parhorsihan na di Selatan lopus tu parbalohan Libanon di sabola Utara; jana sian Batang aek Efrat na godang i di Habincaran lalu tu Laut Tonga di sabola Hasundutan.

JOSUA 10:23

Jadi dibuka ma liang i lalu diboan ma ruar angka raja ni Jerusalem, Hebron, Jarmut, Lakis dohot Eglon

JOSUA 11:17

Bidang ni luat i, mamungka sian Dolok Gundul di Selatan donok ni Edom, lopus tu Utara lalu tu Baal Gad na di Rura Libanon, sabola Selatan ni Dolok Hermon. Honok sajo si Josua na marporang i dohot angka raja-raja i, tapi ditangkup si Josua do ujungna halahi jana dibunu ia sude halahi.

JOSUA 13:5

mangihut muse tano ni bangso Gebal dohot sude luat ni Libanon sabola Habincaran, sian Baal-Gad na di Selatan ni Dolok Hermon lopus tu dalan laho tu Hamat.

JOSUA 15:12

Songon i ma garis batas sabola Hasundutan ni luat ni Marga Juda. Di luat i ma maringanan angka halak na sian marga-marga ni Juda.

JOSUA 22:4

Antong, domu tu na dijanjihonNa i, madung dilehen Tuhan Debatamunu i hasonangan tu angka kahanggimunu sabangso. Jadi saonnari, mulak ma hamu tu tanomunu sandiri, na di Habincaran ni Batang aek Jordan i, na nilehen ni si Musa najolo tu hamu.

JOSUA 22:7

Salaho tu Marga Manase na satonga i, madung dilehen si Musa do bagian ni halahi di Basan, tapi tu na satonga nari dilehen si Josua tano na di Hasundutan Batang aek Jordan rap dohot angka kahanggina.

JOSUA 23:4

Tano ni angka bangso na tinggal i dope, songon i muse tano ni sude angka bangso na dung hutaluhon i, i ma tano na bolak mamungka sian Habincaran ni Batang aek Jordan torus tu Hasundutan lopus tu Laut Tonga, madung hutontuhon sudena i gabe hamu nampunasa.

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.

JOSUA 3:10

Jadi muda mardalan hamu naron, pasti do paoroton ni Tuhan angka halak Kanaan, Het, Hewi, Peris, Girgasi, Amori dohot halak Jebus. Idaonmunu ma bahaso na di tonga-tongamunu do Debata na mangolu i,

JOSUA 3:17

Anggo angka malim na mamorsan Poti Parjanjian i torus do jongjong di tonga-tonga ni batang aek i lopus taripar sude halahi tu bariba.

JOSUA 5:1

Dibege sude raja-raja ni Amori na di Hasundutan ni Batang aek Jordan, dohot sude angka raja ni Kanaan na di topi ni Laut Tonga ma, na nipahiang ni Tuhan Batang aek Jordan salolot mamolus halak Israel di batang aek i lopus lalu halahi di bariba. Jadi gabe mabiar ma angka raja i jana humitir hara ni halak Israel.

JOSUA 6:27

Didongani Tuhan do si Josua, jana tarbonggal situtu ma goar ni si Josua di sandok luat i.

JOSUA 9:7

Tapi didok halak Israel ma, “Aha ma gunana hami baen parjanjian dohot hamu? Aropku na maringanan di na donok-donok tuson do hamu!”