JOSUA 8:12 - BIBEL JAMITA NA DENGGAN

¹² Hurang lobi lima ribu halak bahatna disuru ia martabuni di sabola Hasundutan ni kota i, antara ni Ai dohot Betel.

JOSUA 8:12 Iomraidhean Croise

PAMUNGKAAN 12:8

Dung salpu i pinda ma ia tu Selatan tu luat na mardolok-dolok di Habincaran ni Betel. Jana dipajongjong ia ma disi undung-undungnia di holang-holang ni Betel di Hasundutan dohot Ai di Habincaran. Laing dipajongjong ia muse do disi sada langgatan parsombaan tu Tuhan, laing dipio ia ma goar ni Tuhan disi.

PAMUNGKAAN 28:19

Dibaen ia ma goar ni inganan i Betel. (Lus hian do goar ni kota on na salpu i.)

JOSUA 8:11

Mardalan ma parangan i rap dohot si Josua mandapotkon horbangan godang ni kota Ai lalu marbandar sabola Utara. Adong do disi sada rura na mangholang-holangi halahi dohot kota Ai.

JOSUA 8:13

Songon on ma dibaen pangatur ni parangan i: Markas na gumodang di sabola Utara ni kota i jana parangan na deba nari di sabola Hasundutan, tapi anggo si Josua marborngin di rura i do.

HAKIM-HAKIM 1:22

Kehe ma Marga Efraim dohot Manase pomparan ni si Josep mamorangi kota Betel jana diurupi Tuhan do halahi.

1 SAMUEL 15:5

Dung i kehe ma si Saul rap dohot parangannia i tu kota Amalek jana diambat halahi ma musu i di rura.