JOSUA 8:10 - BIBEL JAMITA NA DENGGAN

¹⁰ Sogot dope ngot ma si Josua jana diparentahon ia ma anso marlagut parangannia. Dung i kehe ma ia rap dohot angka pamimpin ni halak Israel i maroban parangan i tu Ai.

JOSUA 8:10 Iomraidhean Croise

PAMUNGKAAN 22:3

Manyogotna i dung torang ari, ditahai si Abraham ma soban baen tu haul situtungon i, dibobok ia ma i dibaen ia tu tanggurung ni halodenia. Dioban ia ma si Ishak dohot dua halak hatobannia, jadi kehe ma halahi mandapotkon inganan na nidok ni Debata i tu si Abraham.

MASMUR 119:60

Huompoti nada pola hupalalap laho mandalankon parentaMu.

JOSUA 3:1

Ancogotna i, sogot sajo dope ngot ma si Josua dohot sude rayat ni Israel, ditadingkon halahi ma parbandaran ni halahi di Sitim, jana kehe ma halahi tu Batang aek Jordan. Disi ma halahi marbandar lalu painte-intehon hatihana laho manyiborang.

JOSUA 6:12

Ancogotna i sogot sajo dope, ngot ma si Josua jana marbaris ma padua nolina angka malim dohot tentara i manghaliangi kota i songon parjojor ni barisan na di ari parjolo i: Mula-mula barisan ni pangawal parjolo, dung i pitu halak malim siombus sarune, diihutkon angka malim na mamorsan Poti Parjanjian jana ujungna barisan pangawal na parpudi. Laing torus ma anggo sarune i dipalu.

JOSUA 7:16

Ancogotna i sogot sajo dope, dipaadop si Josua ma halak Israel tu Debata, marhorong-horong; gabe hona ma Marga Juda.

JOSUA 8:11

Mardalan ma parangan i rap dohot si Josua mandapotkon horbangan godang ni kota Ai lalu marbandar sabola Utara. Adong do disi sada rura na mangholang-holangi halahi dohot kota Ai.

JOSUA 8:9

Jadi disuru si Josua ma halahi, jana kehe ma halahi martabuni lalu paintehon disi di Hasundutan ni Ai, antara ni Ai dohot Betel. Jana si Josua marborngin di parbandaran.