JOSUA 7:7 - BIBEL JAMITA NA DENGGAN

⁷ Didok si Josua ma tu Tuhan, “O Tuhan Debatangku! Aha dehe gunana Ho maroban hami tu bariba ni Jordan on? Adong he na giot pasahatkon hami do tu angka halak Amori? Anso mate do hami? Dumenggan hian ma hami laing tinggal di bariba ni Jordan!

JOSUA 7:7 Iomraidhean Croise

2 RAJA-RAJA 3:10

Dung i didok Raja Joram ma, “Na dung ditahi roha ni Debata do lakna laho pasahatkon hita na tolu tu raja Moab!”

MASMUR 116:11

haru pe huambang di bagasan puntol ni pikiranku, “Sahalak pe nada adong haposan ni roha.”

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

BILANGAN 14:16

madung dibunu Ho bangsoMu di halongonan, dibaen nada tolap Ho be maroban halahi tu luat na dung nijanjihonMi.

BILANGAN 14:3

Biasi pola obanon ni Tuhan i hita tu tano Kanaan? Mate ma hita di parporangan dohot angka dongan sabagasta be bope angka dakdanakta tabanonna. Nada he dumenggan hita mulak tu Mesir?”

MATEUS 17:17

Dialusi Jesus ma, “O hamu angka angkatan na so porsaya jana na lilu, angkon sadia honok Au rap dohot hamu? Angkon sadia honok nari Au sobar paida-ida hamu? Oban ma tuson dakdanak i!”

MATEUS 17:20

Dialusi Jesus ma, “Angke hurang porsaya hamu. Ingot hamu ma! Sugari sagodang ni batu ni sabi pe adong haporsayaanmunu, tardok hamu do tu dolok on, ‘Morot ma ho sian on tu sadu!’ angkon pinda do dolok i. Jana nada adong sanga aha pe na so tarpatupa hamu! [

IBRANI 12:5

Jana madung lupa hamu di sipaingot na mandok tu hamu songon tu dakdanak, “Ale dakdanakku, ulang menek rohamu mida pangajaran ni Tuhan i; jana ulang mandele muda dipaingot Ia ho.

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

JOSUA 7:8

O Tuhan! Madung diayak musu i angka halak Israel sumurut. Saonnari aha noma sidokkononku?

HAKIM-HAKIM 20:23

Kehe ma halak Israel tu inganan paribadatan, lalu tangis disi tu Tuhan. Disapai halahi ma, “Tuhan, angkon ulahannami dope kehe mamorangi angka kahangginami halak Benyamin i?” Dialusi Tuhan ma, “Olo, maju ma.”

1 SAMUEL 4:3

Dung mulak angka tentara na malua i tu parbandaranna, didok angka pamimpin ni Israel ma, “Biasi ulaning dipadiar Tuhan talu hita dibaen halak Pilistin sadari on? Beta, tabuat ma Poti Parjanjian ni Tuhan sian Silo, jana taoban tuson, anso ra Tuhan mandongani hita dohot paluahon hita sian musu i.”