JOSUA 7:6 - BIBEL JAMITA NA DENGGAN

⁶ Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

JOSUA 7:6 Iomraidhean Croise

PAMUNGKAAN 37:29

Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.

PAMUNGKAAN 37:34

Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

2 SAMUEL 1:11

Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

2 SAMUEL 1:12

Mangangguhi ma halahi, tangis jana marpuaso lopus borngin salaho tu si Saul dohot tu si Jonatan dohot di halak Israel, bangso ni Tuhan i, angke bahat sajo do antong na mate di parporangan i.

2 SAMUEL 1:2

ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.

2 SAMUEL 12:16

Dung i ditangiangkon si Daud ma tu Tuhan anso malum dakdanak i. Puaso ma ia jana ganop borngin sai modom di lante ni biliknia ma ia sasaborngin.

2 SAMUEL 13:19

Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

2 SAMUEL 13:31

Jongjong ma raja i, disibakkon ia ma pakeannia hara ni marsakna, ditinggangkon ia ma dirinia tu lante i. Dohot do sude parhobasnia marsisibakkon pakeanna be.

2 RAJA-RAJA 22:11

Di na nibege ni raja i isi ni buku i, disibak-sibak ia ma pakeannia hara ni marsakna.

2 JUJUR TAON 34:19

Umbege isi ni buku i, disibakkon raja i ma pakeanna hara ni marsakna.

ESRA 10:1

Jadi taran na martangiang i si Esra lalu na tangis ia mangaku dosa di Bagas Ni Tuhan i, bahat sajo do halak Israel ro marlagut, halaklahi bope dadaboru dohot angka dakdanak. Dihuliangi halahi ma ia lalu tangis mangangguhi.

NEHEMIA 9:1

Tanggal dua pulu opat laing di bagasan bulan i, marlagut ma halak Israel. Puaso ma halahi laho patuduhon manyosal halahi di angka dosa ni halahi. Madung asing halahi sian sude halak na asing. Songon tanda ni na marsak, mamake abit goni do halahi jana dipambaeni halahi ma tano tu ulu ni halahi. Dung salpu i jongjong ma halahi mangoku sude dosa ni halahi dohot dosa ni angka ompu ni halahi.

ESTER 4:1

Dung tarbege tu si Mordehai salaho tu na masa i, disibakkon ia ma pakeannia jana dipake ia ma abit goni tanda ni arsak ni roha. Disaburkon ia ma abuan tu ulunia, lalu mardalani ma ia di kota i tangis gogo jana dangol.

ESTER 4:3

Songon i muse di sandok propinsi, mangandungi ma angka halak Jahudi dung dipabotohon parenta ni raja i. Puaso ma halahi, tangis dohot mangangguk, jana bahat do sian halahi na mamake abit goni jana modom di ginjang ni abuan.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JOB 2:12

Tapi di na nitatap ni halahi ia sian na dao dope, jabat do giot so ditanda halahi be ia. Tangis ma halahi gogo jana disibakkon halahi ma pakean ni halahi lalu diparsampakkon halahi ma abu tu ginjang dohot tu ulu ni halahi.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

ANDUNG 2:10

Marjuguhan hatobangon ni kota Sion markutondo di tano; marsisampakkon abuan tu ginjang ni ulu, jana mamake abit goni tanda ni marsakna. Angka nauli bulung pe paunduk ulu lalu tu tano.

BILANGAN 14:6

Dung i si Josua anak ni si Nun dohot si Kaleb anak ni si Jefunne, dua halak sian angka mata-mata i, manyuakkon pakean ni halahi hara ni marsakna.

BILANGAN 16:22

Tapi dipaunduk si Musa dohot si Harun ma manyomba lalu didok halahi, “Ale Debata, Ho do na mangalehen hangoluan tu sude na mangolu. Muda mardosa sahalak, sude dehe halak na bahat on muruhanMu?”

BILANGAN 16:45

“Sumurut ma hamu sian halahi giot bunuonKu halahi di inganan i!” Unduk ma halahi na dua manyomba,

BAENON NI ANGKA RASUL 14:14

Dung dibege si Barnabas dohot si Paulus na giot baenon ni halahi i, diparsibakkon halahi ma pakean ni halahi marlojongi tu tonga-tonga ni halak na bahat i, marsurak ma halahi,

JOSUA 7:7

Didok si Josua ma tu Tuhan, “O Tuhan Debatangku! Aha dehe gunana Ho maroban hami tu bariba ni Jordan on? Adong he na giot pasahatkon hami do tu angka halak Amori? Anso mate do hami? Dumenggan hian ma hami laing tinggal di bariba ni Jordan!

HALUMBAAN 18:19

Dung i disampakkon halahi ma abuan tu ulu ni halahi di na pio-pio, tangis jana mangandungi halahi, ninna halahi ma, “Marjaya, marjaya ma kota na godang i, angke markite-hite sinadongannia gabe mamora sude angka nampuna kapal di laut! Di bagasan sajom do ia abis!”

HAKIM-HAKIM 11:35

Disi diida si Jefta, gabe sun ma arsaknia, jadi gabe disibak-sibak ia ma bajunia jana didok ia ma, “Iale baya borungki, ma magopu ate-atengku! Biasi ma he angkon sai ho na mambaen marsak rohangku? Madung husumpahon tu Tuhan jana nada tarbaen au be manarik i mangulahi!”

HAKIM-HAKIM 20:23

Kehe ma halak Israel tu inganan paribadatan, lalu tangis disi tu Tuhan. Disapai halahi ma, “Tuhan, angkon ulahannami dope kehe mamorangi angka kahangginami halak Benyamin i?” Dialusi Tuhan ma, “Olo, maju ma.”

HAKIM-HAKIM 20:26

Jadi gabe kehe muse ma halak Israel tu Betel tangis tu Tuhan. Puaso do halahi disi lopus borngin jana dipasahat halahi do angka haul pardonganan dohot angka haul situtungon.

HAKIM-HAKIM 21:2

Saonnari kehe ma halahi tu Betel jana marjuguhan di bagasan arsak di adopan ni Tuhan. Tangis ma halahi pio-pio,

1 SAMUEL 4:12

Marlojong ma sahalak Marga Benyamin sian galanggang parporangan i tu Silo jana laing di na sadari i do ia lalu disi. Jana songon tanda ni arsak ni roha, disibak-sibak ia pakeannia jana dibaen ia tano di ulunia.