JOSUA 7:12 - BIBEL JAMITA NA DENGGAN

¹² On ma dalanna umbaen na so tahan halahi mangadopi musu i. Sumurut pe halahi dibaen musu i harana na dung didabu do uhuman tu halahi sandiri anso dironcohon. Nada dongananKu be hamu anggo so dironcohon dope angka barang na so sibuaton i.

JOSUA 7:12 Iomraidhean Croise

MASMUR 44:10

Dipadiar Ho do hami maporus sian musu na mangarampas artanami.

MASMUR 60:10

Ale Debata, situtu ni rohaMu do nada rap dohot hami? Nada he maju Ho rap dohot tentaranami i?

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

JESAYA 59:2

Hara ni angka dosamunu i do umbaen na so ditangihon Ia hamu. Patunda ni angka hajahatanmunu i do umbaen na sirang hamu sian Debata di na so marsomba hamu tuSia.

JEREMIA 23:33

Didok Tuhan ma, “Muda adong sahalak sian bangsongKu, sanga sada panurirang sanga malim na manyapai tu ho Jeremia, ‘Aha tona ni Tuhan?’ Angkon alusanmu do, ‘BobanNia do ho; jadi hara ni i giot buangonNa noma ho.’

JEREMIA 6:8

O hamu halak Jerusalem gabe pangajaran ma nian tu hamu sude hasusaan i! Ulang jabat Hutadingkon hamu jana kotamunu i nada diingani halak.”

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

HABAKUK 1:13

Na badia situtu do mataMu, hara ni i nada tarpaida-ida Ho hajahatan jana nada tarligi Ho hakejamon. Biasi sai paligi-ligionMu angka jolma na jahat i, jana sai hohom Ho taran diabisi halak na jahat i angka halak na dumenggan sian ia?

BILANGAN 14:39

Di hatiha na nipabolkas ni si Musa sude na nidok ni Tuhan i tu halak Israel, gabe marsak situtu ma halahi.

BILANGAN 14:42

Ulang hamu kehe. Taluhonon ni musumunu do hamu angke nada didongani Tuhan hamu.

BILANGAN 14:43

Dung paadop-adop hamu annon dohot halak Amalek dohot halak Kanaan i, angkon mate do hamu di parporangan i. Nada ra Tuhan i mandongani hamu hara ni na so ra hamu mangoloi Ia.”

BILANGAN 14:45

Jadi ro ma halak Amalek dohot halak Kanaan na maringanan disi mangalo halahi pataluhon halak Israel jana diayak halahi lalu tu Horma.

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

HAKIM-HAKIM 16:20

ning ia ma, “Simson! Ma ro halak Pilistin!” Ngot ma si Simson jana diambang ia tarbaen malua dope ia songon di hatiha na salpu-salpu i. Nada diboto ia bahaso na dung ditadingkon Tuhan do ia.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 2:4

Dung sidung dipajojor surusuruan i barita i, tangis ma sude bangso Israel.

1 SAMUEL 14:38

Jadi gabe didok si Saul ma tu angka pamimpin ni rayat i, “Ro ma hamu tuson, jana pareso hamu sanga dosa aha na dibaen sadari on.