JOSUA 7:1 - BIBEL JAMITA NA DENGGAN

¹ Madung diparentahon Tuhan halak Israel bahaso na so tola buaton sada pe sian sandok na adong di Jeriko na angkon sisegohononkon. Hape nada dioloi parenta i. Adong ma sada bayo na margoar si Akan na mangalanggar parenta i, jadi gabe muruk situtu ma Tuhan tu halak Israel. (Amang ni si Akan goarna si Karmi jana ompungnia margoar si Zabdi na sian horong ni Marga Zerah na masuk tu Marga Juda.)

JOSUA 7:1 Iomraidhean Croise

PAMUNGKAAN 34:27

Dung abis na mamunu jolma i, ro muse ma angka dakdanak ni si Jakob na asing i mangarampas kota i songon na palalu hosom hara ni iboto ni halahi na nisego-sego i habujingonna.

2 SAMUEL 24:1

Muruk muse ma Tuhan tu Israel, jana disosoi ia ma si Daud laho parohon hasusaan tu bangso i. Didok Tuhan ma tusia, “Pamasa ma jolo pamilangion di Israel dohot Juda.”

2 RAJA-RAJA 5:24

Dung lalu di dolok na niinganan ni si Elisa i, dibuat si Gehasi ma hepeng dohot pakean i jana dipasimpan ia ma di bagas. Disuru ia ma mulak pangurupi ni si Naaman na dua halak i.

1 JUJUR TAON 21:7

Nada sonang roha ni Debata di sensus i jana diuhum Ia ma halak Israel.

2 JUJUR TAON 24:18

Gabe nada maribadat be rayat i di Bagas Ni Tuhan, Debata ni ompu ni halahi, tapi marsomba gana-ganaan noma dohot angka patung ni Debata Asera. Patunda ni dosa i muruk ma Tuhan tu Jerusalem dohot Juda.

ESRA 9:6

Hudok ma, “O, ale Debatangku, maila do au mangangkat tanganku di adopanMu. Martimpa-timpa do dosanami di ginjang ni ulunami lalu dais tu langit.

JOB 35:8

Hum donganmu jolma do i na rugi hara ni dosamu. Jana halahi muse do na maruntung patunda ni hadenggananmu.

PARJAMITA 9:18

Margunaan do bisuk sian sinjata, tapi hara ni asom na saotik sego ma susu sabalanga.

DANIEL 9:7

Ale Tuhan, sai tongtong denggan jana tigor do pambaenanMu, tapi anggo hami sai tongtong do mambaen tilako tu dirinami, i ma hami sude na maringanan di Juda dohot di Jerusalem maradu sude dongannami sabangso na nipaserakMu tu angka luat na dao dohot na donok hara ni na so unduk halahi tu Ho.

HAMALIMON 10:6

Dung i didok si Musa ma tu si Harun dohot tu angka anakna na laing mangolu dope, i ma si Eleasar dohot si Itamar, “Ulang padiar hamu obukmunu nada nisuri, sanga manyuakkon pakeanmu songon na patidahon marsakmunu. Muda dibaen hamu songon i, angkon mate hamu, bope sude bangso Israel angkon muruhan ni Tuhan. Tapi sude halak Israel na asing i, tola do marsak manangisi sidua halak, na mate dibaen api ni Tuhan i.

JUNUS 1:7

Dung manaek si Junus dohot nakhoda i tu ginjang, marsidokkonan ma angka parkapal i sama halahi, “Tole ma tabaen undi, anso taboto sanga ise na sala umbaen na ro parmaraan on tu hita!” Jadi dibaen halahi ma undi, jana goar ni si Junus ma hona.

JOSUA 22:16

Jadi songon gonti ni sude halak ni Tuhan, didok halahi ma tu halak na sian Marga Ruben, Gad dohot Manase Parhabincaran i, “Biasi baenonmunu pangalaho na jahat on maradopkon Debata ni Israel? Na mangalo Tuhan do hamu, di na nibaenmunu langgatan di hamu! Nada dipatulus hamu be angka na niparentahonNia!

JOSUA 22:18

Jana saonnari, na giot manghudukkon Tuhan dope hamu mangulahi? Muda dialo hamu Tuhan sadari on, muruk ma Tuhan ancogot tu sude halak na di Israel.

JOSUA 22:20

Ingot ma! Si Akan anak ni si Zerah i pe na so ra mangihutkon parenta ni Tuhan salaho tu barang-barang sisoadahononkon. Jana aha do akibatna? Sude Israel hona uhum! Hum si Akan do na mardosa, hapengani anggo na mate nada hum ia sajo!”