JOSUA 6:7 - BIBEL JAMITA NA DENGGAN

⁷ Dung i disuru si Josua ma marbaris parangannia i manghaliangi kota i, dijoloi barisan ni pangawal na parjolo na mardalan manjoloi Poti Parjanjian ni Tuhan i.

JOSUA 6:7 Iomraidhean Croise

JOSUA 1:14

Padiar ma tinggal dadaboru dohot dakdanak maradu angka pahan-pahananmunu dison, tapi anggo angka tentaramunu angkon markobas ma marporang jana manjoloi bangsomu angka halak Israel manaripari Batang aek Jordan. Angkon urupan ni angka parporang i do halahi

JOSUA 4:13

Hira-hira opat pulu ribu halak ma na taripar lalu tu napa ni Jeriko giot marporang di jolo ni Tuhan.

JOSUA 6:3

Angkon marbaris ho dohot paranganmu manghaliangi kota i sanoli sadari di bagasan onom ari.

JOSUA 6:6

Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”

JOSUA 6:8

Songon na niparentahon ni si Josua, mardalan ma barisan pangawal na parjolo manjoloi angka malim sipalu sarune. Diihutkon angka malim na mamorsan Poti Parjanjian ni Tuhan sian pudi, dung i parpudi ma barisan ni pangawal parpudi. Jadi di na mardalan halahi, torus ma sarune i dipalu.