JOSUA 6:6 - BIBEL JAMITA NA DENGGAN

⁶ Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”

JOSUA 6:6 Iomraidhean Croise

HARURUAR 25:14

susukkon ma porsan-porsanna i tu golang-golang sinangkin na di ganop suhina i.

BAENON NI ANGKA RASUL 9:1

Tapi anggo si Saulus laing hosom dope rohania jana sai giot bunuonnia do angka anak sisean ni Tuhan. Kehe do ia tu Malim Godang,

JOSUA 24:11

Dung i ditaripari hamu ma Batang aek Jordan, lalu ma hamu di Jeriko. Diporangi halak Jeriko do hamu, songon i halak Amori, halak Peris, Kanaan, Het, Girgasi, Hewi dohot halak Jebus. Tapi Hutaluhon do halahi sudena di hamu.

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 6:5

Dung i angkon paluon ni angka malim i ma sarune i ginjang sorana. Disi dibege hamu sora na ginjang i, angkon marsurak ma gogo sude halaklahi, jadi gabe matolbak ma tembok ni kota i. Jadi angkon manigor masuk ma sude tentara i tu kota i.”

JOSUA 6:7

Dung i disuru si Josua ma marbaris parangannia i manghaliangi kota i, dijoloi barisan ni pangawal na parjolo na mardalan manjoloi Poti Parjanjian ni Tuhan i.

JOSUA 6:8

Songon na niparentahon ni si Josua, mardalan ma barisan pangawal na parjolo manjoloi angka malim sipalu sarune. Diihutkon angka malim na mamorsan Poti Parjanjian ni Tuhan sian pudi, dung i parpudi ma barisan ni pangawal parpudi. Jadi di na mardalan halahi, torus ma sarune i dipalu.

1 SAMUEL 4:3

Dung mulak angka tentara na malua i tu parbandaranna, didok angka pamimpin ni Israel ma, “Biasi ulaning dipadiar Tuhan talu hita dibaen halak Pilistin sadari on? Beta, tabuat ma Poti Parjanjian ni Tuhan sian Silo, jana taoban tuson, anso ra Tuhan mandongani hita dohot paluahon hita sian musu i.”