JOSUA 6:4 - BIBEL JAMITA NA DENGGAN

⁴ Pitu halak malim na maroban sada be sarune, angkon mardalan di jolo ni Poti Parjanjian i. Di ari papituhon angkon hulianganmu dohot paranganmu kota i pitu noli jana ombuson ni angka malim ma sarunena i.

JOSUA 6:4 Iomraidhean Croise

PAMUNGKAAN 2:3

Dipasupasu jana diparbadiai Ia ma ari papituhon i, dibaen di ari i ma dipasidung Ia karejoNia na manompa i, gabe maradian ma Ia karejo.

1 RAJA-RAJA 18:43

Didok ia ma tu naposonia i, “Manangkok ma ho tu puncut ni dolok i jana tatap ma sabola tu laut.” Manangkok ma naposona i, lalu mulak manuat jana didok ia ma, “Nada adong huida bagi aha.” Disuru si Elia ma naposonia i pitunoli manangkok laho mangaligi.

2 RAJA-RAJA 5:10

Jadi disuru si Elisa ma sahalak pangurupi laho mandok tu si Naaman songon on, “Kehe ma tuan i maridi pitu noli tu Batang aek Jordan, malum ma naron sude dihilala tuan i.”

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 20:17

Nada pola porlu hamu martempur di porang on. Jongjong sajo ma hamu songon i di inganan ni parkarejoanmunu jana painte hamu ma disi. Idaonmunu ma Tuhan mangalehen hamonangan di hamu. O hamu halak Juda dohot Jerusalem, ulang hamu gamang sanga na mabiar. Masuhi hamu sajo ma songon i parporangan i, tolongon ni Tuhan do hamu!”

2 JUJUR TAON 20:19

Jadi jongjong ma angka halak Levi na sian Marga Kehat dohot Korah jana marsurak ma halahi mamuji Tuhan Debata ni Israel.

2 JUJUR TAON 20:21

Dung marunding dohot rayat i disuru raja i ma angka parende mamake pakean saragam na somal dipake halahi di angka upacara ugamo na mardohonan. Angkon marbaris do angka parende i tongam di jolo ni barisan ni tentara i lalu marende, “Puji ma Tuhan! Hot do holong ni rohaNa sapanjangna!”

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

JESAYA 27:13

Paluon ma di hatiha i sarune laho marpio sude halak Israel na hona buang di Asur dohot di Mesir. Ro ma halahi tu Jerusalem marsomba tu Tuhan di dolokNa na badia.

HAMALIMON 14:16

Dung i sornopkononnia ma sada jari tangan siamunnia tu miak i, lalu dipistikkon ia pitu noli di jolo ni Tuhan.

HAMALIMON 4:6

Dung i disornopkon ia ma jari-jarinia tu mudar i lalu dipispiskon ia pitu noli adop tire na di jolo ni Poti Parjanjian i.

ZAKARIA 4:2

“Aha dehe na niidamu?” ning ia manyapai. “Sada pat ni parlampuan sere do,” ningku mangalusi. “Di ujungna i di ginjang adong mangkuk inganan ni miak. Di pat ni parlampuan i, humaliang mangkuk inganan ni miak i adong pitu lampu, jana ganop lampu adong pitu be parsumbuanna.

ZAKARIA 4:6

Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

BILANGAN 23:1

Didok si Bileam ma tu si Balak, “Pajongjong ma di inganan on pitu langgatan di au jana oban ma tuson pitu lombu jantan dohot pitu biri-biri jantan.”

JOSUA 6:3

Angkon marbaris ho dohot paranganmu manghaliangi kota i sanoli sadari di bagasan onom ari.

JOSUA 6:5

Dung i angkon paluon ni angka malim i ma sarune i ginjang sorana. Disi dibege hamu sora na ginjang i, angkon marsurak ma gogo sude halaklahi, jadi gabe matolbak ma tembok ni kota i. Jadi angkon manigor masuk ma sude tentara i tu kota i.”

HALUMBAAN 1:20

On ma arti ni rahasia ni bintang na pitu na niidamu di tangan siamunKon dohot astuan ni parlampuan na pitu na nibaen sian sere i. Bintang na pitu i, i ma angka surusuruan ni parlagutan na pitu i, jana parlampuan na pitu i, i ma parlagutan na pitu i.”

HALUMBAAN 1:4

Sian si Johannes tu parlagutan na pitu i, na di tano Asia. Asi ni roha ma di hamu dohot hasonangan sian Ia, na adong saonnari, na dung adong hian, jana na giot ro, dohot sian tondi na pitu i, na di jolo ni habangsaNia,

HALUMBAAN 10:3

Jadi marsurak ma ia sagogona songon singa na marngaur. Dung marsurak ia, mangkuling ma pitu ronggur na manghutur.

HALUMBAAN 15:1

Dung i huida ma di langit sada tanda hahomangan jana na godang situtu. Adong ma pitu surusuruan dohot pitu mara, bala na parpudi. On ma na parpudi situtu dipalalu Debata haririmasNia.

HALUMBAAN 15:7

Dung i ro ma sada sian mahluk na opat i mangalehen tu surusuruan na pitu i, pitu sambong sere na bubung marisi haririmas ni Debata, – Debata na mangolu i salolot-lolotna.

HALUMBAAN 16:1

Dung i hubege ma sada sora na gogo sian Bagas Na Badia i. Didok sora i ma tu surusuruan na pitu i, “Kehe ma hamu, duruskon hamu ma haririmas ni Debata isi ni sambong na pitu i tu tano!”

HALUMBAAN 5:1

Dung i huida ma di siamun ni na juguk di ginjang ni habangsa i sada pustaha na marsurat di bagasan dohot di luar, jana na nicap dohot pitu cap.

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.

HALUMBAAN 8:2

Dung i huida ma dilehen pitu sarune tu surusuruan na pitu na jongjong i di jolo ni Debata.

HALUMBAAN 8:6

Dung i markobas ma surusuruan na pitu i na maniop sarune i laho mamalu sarune i.