JOSUA 6:2 - BIBEL JAMITA NA DENGGAN

² Didok Tuhan ma tu si Josua, “Saonnari Hupasahat ma tu ho Jeriko dohot rajana i dohot sude tentarana angka na gogo i.

JOSUA 6:2 Iomraidhean Croise

2 SAMUEL 5:19

Marsapa ma si Daud tu Tuhan, “Angkon poranganku dehe ulaning halak Pilistin i? LehenonMu do hamonangan di au?” Alus ni Tuhan, “Alo ma! Hulehen pe hamonangan di ho!”

NEHEMIA 9:24

Tano Kanaan ditaluhon halahi, dipatunduk Ho halak na maringanan disi. Dilehen Ho do kuaso mambaen lomo ni rohana, maradopkon angka bangso Kanaan dohot angka rajana.

DANIEL 2:21

Ia do na manontuhon musim dohot hatiha, dibalikkon Ia do parkuaso jana dipajongjong Ia. Laing Ia muse do na mangalehen habisuhon, jana na mambasa-basahon parbinotoan.

DANIEL 2:44

Di hatiha ni angka raja-raja i mamarenta, giot pajongjongon ni Debata na di banua ginjang i ma sada harajaan na manongtong sapanjangna jana na so tartaluhon bangso dia pe. Roncohonon ni harajaan na sada i ma sandok harajaan na asing i tapi harajaan na sada i, manongtong do ro di salolot ni lolotna.

DANIEL 4:17

I ma haputusannami angka surusuruan na hobas jana na manat-manat. On do maksudnami: Anso dioku angka jolma sanga na di dia pe, na markuaso do Na Gumincat i maradopkon harajaan ni jolma dohot mangalehen harajaan i sanga tu ise pe na nitodoNia, bope tu halahi na umbile situtu pe!’

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

PANGARATAION 7:24

Pasahaton ni Tuhan angka raja ni halahi tu bagasan kuasomunu. Bunuonmunu ma halahi, jana halupahonon ma halahi saulahon. Sada halak pe nada adong na tarbaen mangambati hamu; sandok halak angkon abiskononmunu.

JOSUA 12:9

Raja-raja na ditaluhon i ma angka raja na sian kota na mangihut on: Jeriko, Ai (na di lambung ni Betel), raja ni Jerusalem, Hebron, Jarmut, Lakis, Eglon, Geser, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hasor, Simron-Meron, Aksap, Taanak, Megido, Kedes, Jokneam (na di Karmel), Dor (na di topi ni laut), Goyim (na di Galilea), dohot Tirsa, gabe tolu pulu sada raja ma sudena.

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

JOSUA 2:9

jana didok ia ma tu halahi, “Huboto do na dung dilehen Tuhan do anggo luat on tu hamu. Sude do halak na dison mabiar tu hamu.

JOSUA 20:1

Dung i disuru Tuhan ma si Josua

JOSUA 6:1

Madung togu dijago anggo angka horbangan ni kota Jeriko jana digoruk damos anso ulang tarbaen halak Israel masuk. Sada halak pe nada dipatola masuk sanga haruar sian kota i.

JOSUA 6:3

Angkon marbaris ho dohot paranganmu manghaliangi kota i sanoli sadari di bagasan onom ari.

JOSUA 8:1

Didok Tuhan ma tu si Josua, “Kehe ma ho dohot sude tentarami tu Ai. Ulang gamang hamu jana ulang mabiar! Giot baenonKu do ho monang maralohon raja ni Ai, kotana dohot luatna i gabe ho nampunasa.

HAKIM-HAKIM 11:21

Tapi Tuhan, Debata ni Israel mangalehen hamonangan di halak Israel maradopkon si Sihon dohot angka tentarania i. Songon i ma pangalahona gabe dapot halak Israel sude angka tano ni halak Amori na maringanan di luat i.

HAKIM-HAKIM 11:24

Jana saonnari na giot buatonmu ma he i mangulahi? Anggo tano na nilehen ni Kamos debatamunu i, tola ma i hot hamu nampunasa. Tapi anggo na nilehen ni Tuhan Debatanami di hami, partahankononnami do i.