JOSUA 6:1 - BIBEL JAMITA NA DENGGAN

¹ Madung togu dijago anggo angka horbangan ni kota Jeriko jana digoruk damos anso ulang tarbaen halak Israel masuk. Sada halak pe nada dipatola masuk sanga haruar sian kota i.

JOSUA 6:1 Iomraidhean Croise

2 SAMUEL 10:5

Tapi ila ma roha ni halahi mulak tu tano ni halahi. Dung dipaboa na masa i tu si Daud, ditonahon ia ma anso dipainte angka utusannia i di jolo ni Jeriko lopus tubu mangulahi janggut ni halahi i.

2 RAJA-RAJA 17:4

Tapi di sada hatiha, disuru si Hosea ma utusan tu si So, raja ni Mesir, laho mangido bantuan. Jadi gabe mantak ma si Hosea manggarar pajak siganop taon tu Asur. Dung diboto si Salmaneser na manghianat si Hosea ditangkup ia ma si Hosea jana dipamasuk ia tu hurungan.

2 RAJA-RAJA 2:4

Dung i didok si Elia ma tu si Elisa, “Dison ma ho; disuru Tuhan do au tu Jeriko.” Tapi dialusi si Elisa ma, “Hara ni Tuhan na mangolu i bope hara ni ho Amang, nada ra au manadingkon ho Amang.” Jadi gabe rap kehe ma halahi na dua tu Jeriko.

MASMUR 127:1

Muda so Tuhan na pajongjong bagas, nada marguna haloloja ni tukangna. Muda so Tuhan na manjago hita, nada marguna jonggor angka panjagona.

JOSUA 16:7

Sian i mijur ma garis i tu Atarot dohot Naharat, lalu torus tu Jeriko jana marujung ma i di Batang aek Jordan.

JOSUA 18:21

Angka kota na gabe bagian ni angka ripe sian Marga Benyamin i, i ma Jeriko, Bet-Hoglah, Emek-Kesis,

JOSUA 2:1

Dung i disuru si Josua ma tu Kanaan dua halak mata-mata sian parbandaran na di Sitim. Diparentahon do mata-mata sidua halak i laho manangkasi tano Kanaan di na buni, lumobi kota Jeriko. Jadi kehe ma sidua halak i tu kota i, jana marborngin ma halahi di bagas ni sada dadaboru jalang na margoar si Rahab.

JOSUA 2:24

Dung i didok halahi ma, “Ma pasti na dung dilehen Tuhan sude luat i tu hita; mabiar do sude halak na disi tu hita.”

JOSUA 2:7

Jadi markehean ma antong suruan ni raja i jana manigor digoruk ma horbangan ni kota i disi haruar halahi. Dijalak-jalahi halahi ma mata-mata ni Israel i lopus tu inganan panariparan di Batang aek Jordan.

JOSUA 5:15

Dialusi panglima ni tentara ni Tuhan i ma, “Buka sipatumi, tano na badia do tano na nijongjonganmi.” Jadi gabe dibuka si Josua ma sipatunia.

JOSUA 6:2

Didok Tuhan ma tu si Josua, “Saonnari Hupasahat ma tu ho Jeriko dohot rajana i dohot sude tentarana angka na gogo i.