JOSUA 5:9 - BIBEL JAMITA NA DENGGAN

⁹ Didok Tuhan ma tu si Josua, “Sadari on Huagohon ma sude habileanmunu na gabe hatoban di Mesir.” I ma dalanna umbaen margoar inganan i Gilgal lalu tu sadari on.

JOSUA 5:9 Iomraidhean Croise

PAMUNGKAAN 34:14

Didok halahi ma tu na dua i, “Maila ma hami muda hami isinkon ibotonami i marbagas dohot halak na so marsunat dope.

2 SAMUEL 19:15

Dung i kehe ma raja i jana lalu ma ia di Batang aek Jordan, jana di hatiha i madung lalu angka halak Juda di Gilgal laho mangalap raja i lalu mangawalsa manaripari batang aek i.

NEHEMIA 12:29

na sian Bet-Gilgal, Geba dohot Asmawet.

MASMUR 119:39

Padao ma habilean na sai huhabiari, angke na denggan do tutu parentaMu.

JEREMIA 9:25

Didok Tuhan ma, “Dapot do i hatihana, uhumanKu halak Mesir, Juda, Edom, Amon, Moab dohot halak na mangingani padang halongonan na manggusting pendek obukna. Na dung marsunat do sude angka jolma i, hape halahi sandiri bope halak Israel nada maniop parjanjianKu na nigambarkon ni sunat i.”

JEHESKIEL 23:3

Taran poso halahi, maringanan di Mesir do. Disi ma mago habunjingon ni halahi, lalu gabe siboru jalang ma halahi.

JEHESKIEL 23:8

Laing torus ma ia marhamainan songon na nibaennia taran di Mesir, di na mago disi habujingonnia. Mamungka sian hamenehannia, na dung dipodomi jana dibaen do ia songon panggampang.

HOSEA 4:15

Ale hamu halak Israel, haru pe nada unduk hamu tu Au, sai ulang ma nian dohot Juda mambaen hasalaan na nibaenmunu i! Ulang maribadat di Gilgal sanga di Bet-Awen. Ulang baen hamu janji disi mangasahon goar ni Tuhan na mangolu i.

HAMALIMON 24:14

“Oban ma bayo i tu balian ni parbandaran. Ganop halak na dung umbege ibana mamurai, dipayakkon ia ma tanganna tu ulu ni bayo i manyaksihon na dung marsala bayo i. Dung i dangguran ni halak na bahat i ma ia dohot batu lopus mate.

AMOS 5:5

Ulang hamu kehe tu Berseba laho marsomba. Ulang jalahi hamu Au di Betel, angke na laho mago do Betel. Ulang kehe muse hamu tu Gilgal, angke na giot obanon do halak kota i tu habuangan.”

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

ZEPANYA 2:8

Didok Tuhan Na Markuaso i ma, “Hubege do bangso Moab dohot Amon palayaskon dohot mangincahi bangsongKu. Salpu do hata ni halahi mandok na giot buaton ni halahi tano ni bangsongKi.

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

JOSUA 4:19

Di tanggal sampulu bulan parjolo ma halak Israel lalu di bariba ni Jordan. Dung i marbandar ma halahi di Gilgal di Habincaran ni Jeriko.

JOSUA 5:8

Dung sidung halahi sude disunat, tinggal di parbandaran ma sandok rayat ni Israel lopus malum sude bugang ni halahi i.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 7:16

ganop taon sai diliati si Samuel do tu Betel, Gilgal dohot Mispa. Jana dipasidung ia ma disi angka parkaro parsalisian.