JOSUA 5:5 - BIBEL JAMITA NA DENGGAN

⁵ Di hatiha na haruar angka halak Israel sian Mesir, na dung marsunat do sude angka halaklahi di halahi. Tapi di na madang-adang angka halak Israel di parhorsihan opat pulu taon honokna, sada halak pe sian dakdanak ni halahi halaklahi nada adong dope na disunat.

JOSUA 5:5 Iomraidhean Croise

MATEUS 12:7

Tapi sugari diboto hamu sanga dia do astuan ni hata on: ‘Asi ni roha do giotKu, nada anggo na nihaulkon, tontu nada pola uhumonmunu halak na so marsala.

SURAT NI SI PAULUS TU PARLAGUTAN ROM 2:26

Sugari adong halak na asing na so marsunat, mandalani angka pangidoan ni Tona i, inda he dietong Debata i songon halak na dung nisunat?

1 KORINTUS 7:19

Rap na so marguna do na mangoloi aturan ni sunat dohot na so mangoloi. Mangoloi parenta ni Debata do na porlu.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

JOSUA 5:4

Harana dikarejohon pe i, baen na dung sude do halaklahi na dung bisa marporang na haruar sian tano Mesir, madung mate salolot di pardalanan di parhorsihan i.

JOSUA 5:6

Boti muse, angka halaklahi na haruar sian Mesir na dung tuk umurna masuk tentara, di ujung ni ombas siopat pulu taon i madung mate sudena patunda ni na so mangoloi parenta ni Tuhan. Jana hombar tu sumpa ni Tuhan, nada diisinkon Tuhan halahi marnida tano na makmur jana na napu i na nijanjihon ni Tuhan tu ompu na umpompar halahi.