JOSUA 5:10 - BIBEL JAMITA NA DENGGAN

¹⁰ Taran na marbandar di Gilgal di napa na di lambung Jeriko, dipestahon halak Israel ma Paskah di borngin ni tanggal opat bolas di bulan i.

JOSUA 5:10 Iomraidhean Croise

2 SAMUEL 15:28

Paintehon ma au di lambung ni angka panariparan ni aek na di halongonan i lopus hujagit barita sian hamu.”

HARURUAR 12:11

Angkon mopop do hamu mangankon harana marpakean do hamu singkop songon na giot mardalanan, marsipatu patmunu jana tiop hamu tungkot di tanganmunu. On ma Ari Pesta Paskah laho pasangapkon Au Tuhan.

HARURUAR 12:18

Di bulan parjolo, mamungka sian borngin ni ari opat bolas lopus borngin tanggal dua pulu sada, nada tola panganonmunu roti na marragi.

HARURUAR 12:6

Jana di ari paopatbolaskon bulan on, sude ma halak Israel manyambol anak ni pahan-pahanan i.

JEREMIA 39:5

Tapi diayak tentara Babel i ma halahi jana ditangkup ma si Zedekia di napa ni Jeriko. Dung i dioban ma ia tu Raja Nebukadnesar di kota Ribla na di tano Hamat, lalu diuhum mate ma ia.

JEHESKIEL 12:3

Hara ni i, ale anak ni jolma, taran torang dope ari, hobasi ma barang-barangmu di bagasan sada gendongan songon na somal dibaen halak pangungsi. Painte so dapot borngin, kehe ma ho di torang ni ari di jolo ni halak songon halak na dioban tu buangan. Baen ma lubang di dingding ni bagasmi jana oban ma gendonganmu na marisi angka barang-barangmu ruar sian lubang i. Porsan ma gendonganmi di abaramu, kehe ma ho tu golap-golap i; papitpit ma matami anso ulang diida ho dalan na nibolusmi. Padiar ma dipaida-ida bangso Israel sude na nibaenmi, anso gabe sipaingot di halahi. Betak na ra do halahi mamoto bahaso na jahat pangalo halahi.”

HAMALIMON 23:5

Ari Pesta Paskah na nipestahon pasangap Tuhan mamungka sian na lusut mataniari di tanggal opat bolas bulan sada.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

JOSUA 4:19

Di tanggal sampulu bulan parjolo ma halak Israel lalu di bariba ni Jordan. Dung i marbandar ma halahi di Gilgal di Habincaran ni Jeriko.

JOSUA 5:11

Ancogotna i, disi ma parjolo situtu halahi mangankon sipanganon sian hasil ni tano Kanaan, i ma: Roti na so marragi dohot gandum na nipanggang.

JOSUA 9:6

Songon i ma halahi kehe tu parbandaran na di Gilgal jana didok halahi ma tu si Josua dohot tu angka halak Israel, “Sian luat sihadaoan do hami ro jana na giot mambaen parjanjian do hami dohot hamu.”

1 SAMUEL 7:16

ganop taon sai diliati si Samuel do tu Betel, Gilgal dohot Mispa. Jana dipasidung ia ma disi angka parkaro parsalisian.